എ​വി​ടെ പോ​യാ​ലും വേ​ഷം കാ​ക്കി: പോ​ലീ​സെ​ന്ന് പ​റ​ഞ്ഞ് വി​വാ​ഹ നി​ശ്ച​യം; യു​വ​തി​യു​ടെ ആ​ൾ​മാ​റാ​ട്ടം പൊ​ളി​ച്ച് പ്ര​തി​ശ്രു​ത വ​ര​ൻ

പോ​ലീ​സു​കാ​രി ആ​ണെ​ന്ന് തെ​റ്റി​ദ്ധ​രി​പ്പി​ച്ച് സ്ഥി​രം കാ​ക്കി ധ​രി​ച്ച് ന​ട​ന്ന യു​വ​തി​യെ കു​ടു​ക്കി പ്ര​തി​ശ്രു​ത വ​ര​ൻ. റെ​യി​ല്‍​വേ പ്രൊ​ട്ട​ക്ഷ​ന്‍ ഫോ​ഴ്‌​സ് (ആ​ര്‍.​പി.​എ​ഫ്) എ​സ്.​ഐ.​യാ​യി ആ​ള്‍​മാ​റാ​ട്ടം ന​ട​ത്തി​യ തെ​ല​ങ്കാ​ന ന​ര്‍​കേ​ട്ട്പ​ള്ളി സ്വ​ദേ​ശി ജ​ഡ​ല മാ​ള​വി​ക​യാ​ണ് ന​ല്‍​ഗോ​ണ്ട റെ​യി​ല്‍​വേ പൊ​ലീ​സി​ന്‍റെ പി​ടി​യി​ലാ​യ​ത്. ഒ​രു വ​ർ​ഷ​ത്തോ​ള​മാ​ണ് യു​വ​തി ആ​ൾ​മാ​റാ​ട്ടം ന​ട​ത്തി​യി​രു​ന്ന​ത്.

മാ​ള​വി​ക ത​ന്‍റെ വി​വാ​ഹ നി​ശ്ച​യ​ത്തി​നും കാ​ക്കി ധ​രി​ച്ചെ​ത്തി​യ​തോ​ടെ​യാ​ണ് പ്ര​തി​ശ്രു​ത വ​ര​ന് സം​ശ​യം തോ​ന്നി​യ​ത്. ഇ​തോ​ടെ ഐ.​ടി. ഉ​ദ്യോ​ഗ​സ്ഥ​നാ​യ ഇ​യാ​ൾ മാ​ള​വി​ക​യെ കു​റി​ച്ച് വി​ശ​ദ​മാ​യ അ​ന്വേ​ഷ​ണം ന​ട​ത്തു​ക​യാ​യി​രു​ന്നു.

ആ​ര്‍.​പി.​എ​ഫ്. ഉ​ദ്യോ​ഗ​സ്ഥ​രു​മാ​യി ബ​ന്ധ​പ്പെ​ട്ട് ന​ട​ത്തി​യ അ​ന്വേ​ഷ​ണ​ത്തി​ല്‍ മാ​ള​വി​ക എ​സ്.​ഐ. അ​ല്ലെ​ന്നും ഇ​വ​ര്‍​ക്ക് ഒ​രു ജോ​ലി​യു​മി​ല്ലെ​ന്നും വ്യ​ക്ത​മാ​യി. തു​ട​ർ​ന്ന് വി​വ​ര​മ​റി​ഞ്ഞ റെ​യി​ൽ​വേ പോ​ലീ​സ് സം​ഭ​വ​ത്തി​ൽ ന​ട​പ​ടി എ​ടു​ക്കു​ക​യാ​യി​രു​ന്നു. യു​വ​തി​യി​ൽ നി​ന്ന് വ്യാ​ജ തി​രി​ച്ച​റി​യ​ൽ രേ​ഖ​യും പോ​ലീ​സ് യൂ​ണി​ഫോ​മും പി​ടി​ച്ചെ​ടു​ക്കു​ക​യും ചെ​യ്തു.

എ​വി​ടെ പോ​കു​മ്പോ​ഴും മാ​ള​വി​ക കാ​ക്കി ധ​രി​ക്കു​മാ​യി​രു​ന്നു. കു​ടും​ബ ച​ട​ങ്ങു​ക​ളി​ലും ക്ഷേ​ത്ര ദ​ർ​ശ​ന​ത്തി​നും യാ​ത്ര​ക​ളി​ലു​മൊ​ക്കെ കാ​ക്കി ധ​രി​ച്ചാ​ണ് മാ​ള​വി​ക എ​ത്തി​യി​രു​ന്ന​ത്. മാ​ള​വി​ക 2023 മു​ത​ലാ​ണ് പൊ​തു​സ്ഥ​ല​ങ്ങ​ളി​ൽ എ​സ്ഐ യൂ​ണി​ഫോം ധ​രി​ച്ച് എ​ത്താ​ൻ തു​ട​ങ്ങി​യ​ത്.

വ​നി​താ​ദി​ന പ​രി​പാ​ടി​യി​ലെ മു​ഖ്യ അ​തി​ഥി​യാ​യി​രു​ന്നു മാ​ള​വി​ക. ഇ​തോ​ടെ സ​മൂ​ഹ മാ​ധ്യ​മ​ങ്ങ​ളി​ലും മാ​ള​വി​ക​യ്ക്ക് ആ​രാ​ധ​ക​രേ​റി. 2018-ല്‍ ​ആ​ര്‍.​പി.​എ​ഫി​ലേ​ക്കു​ള്ള എ​സ്.​ഐ. റി​ക്രൂ​ട്ട്‌​മെ​ന്‍റി​ൽ യു​വ​തി പ​ങ്കെ​ടു​ത്തി​രു​ന്നു. എ​ഴു​ത്തു​പ​രീ​ക്ഷ പാ​സാ​യെ​ങ്കി​ലും മെ​ഡി​ക്ക​ല്‍ ടെ​സ്റ്റി​ല്‍ ഇ​വ​ര്‍ പ​രാ​ജ​യ​പ്പെ​ട്ടു. ഇ​തി​നു​പി​ന്നാ​ലെ​യാ​ണ് എ​സ്.​ഐ.​യാ​യി തി​ര​ഞ്ഞെ​ടു​ക്ക​പ്പെ​ട്ടെ​ന്ന് തെ​റ്റി​ദ്ധ​രി​പ്പി​ച്ച് യു​വ​തി ആ​ൾ​മാ​റാ​ട്ടം തു​ട​ങ്ങി​യ​ത്.