കോഴിക്കോട്: മാഹിക്കാരെയും സ്ത്രീകളെയും മോശമാക്കി സംസാരിച്ച ബിജെപി േനതാവ് പി.സി. ജോര്‍ജിനെതിരേ പോലീസ് കേസ് രജിസ്റ്റര്‍ ചെയ്തു. കോഴിക്കോട്ടെ എന്‍ഡിഎ സ്ഥാനാര്‍ഥി എം.ടി. രമേഷിന്‍റെ തെരഞ്ഞെടുപ്പു കണ്‍വന്‍ഷനില്‍ സംസാരിക്കവെയാണ് പി.സി. ജോര്‍ജിന്‍റെ വിവാദ പരാമര്‍ശമുണ്ടായത്. കോഴിക്കോട് കസബ പോലീസാണ് കേസ് എടുത്തിരിക്കുന്നത്. സിപിഎം മാഹി ലോക്കല്‍ സെക്രട്ടറി നല്‍കിയ പരാതിയിലാണു കേസ്.
21ന് കോഴിക്കോട് മുതലക്കുളം മൈതാനിയില്‍ നടന്ന കണ്‍വന്‍ഷനില്‍ പ്രസംഗിക്കവെയാണ് പി.സി. ജോര്‍ജ് മാഹിക്കാരെയും സ്ത്രീകളെയും മോശക്കാരായി ചിത്രീകരിച്ചത്. ഇതിനുശേഷം ജോര്‍ജിനെതിരേ മാഹിയിലും പരിസര പ്രദേശങ്ങളിലും വനിതകളുടെ പ്രതിഷേധപ്രകടനങ്ങള്‍ നടന്നിരുന
