കോട്ടയം: കോട്ടയം മെഡിക്കൽ കോളജിനു സമീപം കടകൾക്ക് തീപിടിച്ചു. സ്വകാര്യ ബസ് സ്റ്റാൻഡിലെ ഷോപ്പിംഗ് കോംപ്ലക്സിലെ മൂന്ന് കടകളിലാണ് തീപിടിത്തമുണ്ടായത്. ഇതേത്തുടർന്ന് ഒരു ചെരിപ്പ്കട പൂർണമായും കത്തിനശിച്ചു. രണ്ട് കടകള്‍ ഭാഗികമായും കത്തിനശിച്ചു.
ഇന്നു രാവിലെയാണ് സംഭവം. അടച്ചിട്ടിരുന്ന കടയ്ക്കുള്ളിൽനിന്ന് തീയും പുക‍യും ഉയരുന്നത് കണ്ട നാട്ടുകാർ അഗ്നിശമനസേനയെയും ഗാന്ധിനഗർ പോലീസിനെയും വിവരമറിയിക്കുകയായിരുന്നു. പതിനഞ്ചിലേറെ കടകളാണ് ഇവിടെയുള്ളത്. തുടർന്ന് അഗ്നിശമനസേനയുടെ അഞ്ച് യൂണിറ്റുകൾ എത്തിയാണ് രക്ഷാപ്രവർത്തനം ആരംഭിച്ചത്.
കോട്ടയം മെഡിക്കല്‍ കോളജിന് സമീപത്തെ ഷോപ്പിംഗ് കോംപ്ലക്സില്‍ വൻ തീപിടുത്തം; കടകൾ കത്തിനശിച്ചു
