അ​നു​ഭ​വ​മാ​കു​മ്പോ​ഴാ​ണ് സി​നി​മ ദൈ​വി​ക​മാ​കു​ന്ന​ത്; ആടു ജീവിതത്തെ പ്രശംസിച്ച് റോ​ഷ​ൻ ആ​ൻ​ഡ്രൂ​സ്

അ​നു​ഭ​വ​മാ​കു​മ്പോ​ഴാ​ണ് സി​നി​മ ദൈ​വി​ക​മാ​കു​ന്ന​തെന്ന് റോ​ഷ​ൻ ആ​ൻ​ഡ്രൂ​സ്. ബ്ലെ​സി​ച്ചേ​ട്ടാ, നി​ങ്ങ​ൾ കാ​ല​ത്തെ അ​തി​ജീ​വി​ക്കു​ന്ന ഒ​രു ക്ലാ​സി​ക് സൃ​ഷ്ടി​ച്ചു. പൃ​ഥ്വി… എ​ന്‍റെ ആ​ന്‍റ​ണി മോ​സ​സ്… ഞാ​ൻ എ​ന്താ പ​റ​യു​ക? അ​ക്ഷ​രാ​ർ​ഥത്തി​ൽ നി​ങ്ങ​ളു​ടെ ചോ​ര​യും നീ​രു​മാ​ണ് ആ​ടു​ജീ​വി​ത​ത്തി​ന്‍റെ ആ​ത്മാ​വ്.

ഇ​ത് നി​ങ്ങ​ളു​ടെ ഏ​റ്റ​വും മി​ക​ച്ച​താ​ണെ​ന്ന് ഞാ​ൻ നി​ങ്ങ​ളോ​ട് പ​റ​യേ​ണ്ട​തു​ണ്ടോ? സി​നി​മ​യോ​ടു​ള്ള നി​ങ്ങ​ളു​ടെ അ​ഭി​നി​വേ​ശം ന​ജീ​ബി​നെ വി​ജ​യി​യാ​ക്കി! അ​ടു​ത്തവ​ർ​ഷം ന​ട​ക്കു​ന്ന നി​ര​വ​ധി ച​ല​ച്ചി​ത്ര മേ​ള​ക​ളി​ലും അ​വാ​ർ​ഡ് ദാ​ന ച​ട​ങ്ങു​ക​ളി​ലും നി​ങ്ങ​ൾ റെ​ഡ് കാ​ർ​പ​റ്റി​ലൂ​ടെ ന​ട​ക്കു​ന്ന​ത് കാ​ണു​മെ​ന്ന പ്ര​തീ​ക്ഷ​യോ​ടെ… ഈ ​പ​രി​ശ്ര​മ​ത്തി​ന് മു​ഴു​വ​ൻ ടീ​മി​നും അ​ഭി​ന​ന്ദ​ന​ങ്ങ​ൾ. എന്ന് റോ​ഷ​ൻ ആ​ൻ​ഡ്രൂ​സ് പറഞ്ഞു. 

പ്ര​ശ​സ്ത എ​ഴു​ത്തു​കാ​ര​ൻ ബെ​ന്യാ​മി​ന്‍റെ നോ​വ​ലാ​യ ആ​ടു​ജീ​വി​ത​ത്തെ ആ​സ്പ​ദ​മാ​ക്കി​യാ​ണ് ചി​ത്രം ഒ​രു​ക്കി​യി​രി​ക്കു​ന്ന​ത്. മാ​ർ​ച്ച് 28 നാ​ണ് ചി​ത്രം തി​യേ​റ്റ​റു​ക​ളി​ൽ എ​ത്തി​യ​ത്. സൗ​ദി അ​റേ​ബ്യ​യി​ലേ​ക്ക് ജോ​ലി തേ​ടി പോ​കു​ന്ന ന​ജീ​ബ് എ​ന്ന ക​ഥാ​പാ​ത്ര​ത്തെ​യാ​ണ് ചി​ത്ര​ത്തി​ൽ പൃ​ഥ്വി അ​വ​ത​രി​പ്പി​ക്കു​ന്ന​ത്. ക​ഥാ​പാ​ത്ര​ത്തി​നാ​യി താ​രം ശാ​രീ​രി​ക​മാ​യി വ​രു​ത്തി​യ മാ​റ്റ​ങ്ങ​ൾ വ​ള​രെ​യേ​റെ ച​ർ​ച്ച ചെ​യ്യ​പ്പെ​ട്ടി​രു​ന്നു.

ഓ​സ്‌​കാ​ർ അ​വാ​ർ​ഡ് ജേ​താ​ക്ക​ളാ​യ എ. ​ആ​ർ. റ​ഹ്‌​മാ​ൻ സം​ഗീ​ത​വും റ​സൂ​ൽ പൂ​ക്കു​ട്ടി ശ​ബ്ദ​മി​ശ്ര​ണ​വും നി​ർ​വ​ഹി​ക്കു​ന്നു. അ​മ​ല പോ​ൾ, ജി​മ്മി ജീ​ൻ ലൂ​യി​സ് (ഹോ​ളി​വു​ഡ് ന​ട​ൻ), കെ ​ആ​ർ ഗോ​കു​ൽ, പ്ര​ശ​സ്ത അ​റ​ബ് അ​ഭി​നേ​താ​ക്ക​ളാ​യ താ​ലി​ബ് അ​ൽ ബ​ലൂ​ഷി, റി​ക്ക​ബി എ​ന്നി​വ​രാ​ണ് ചി​ത്ര​ത്തി​ലെ മ​റ്റു​പ്ര​ധാ​ന ക​ഥാ​പാ​ത്ര​ങ്ങ​ളെ അ​വ​ത​രി​പ്പി​ക്കു​ന്ന​ത്.