തമിഴില്‍ ആനേകായിരങ്ങള്‍ ആരാധകരായിട്ടുള്ള താരമാണ് നമിത. എന്നാല്‍ തമിഴിലെ ഈ ഹോട്ട് താരം സോഷ്യല്‍മീഡിയയില്‍ പങ്കുവച്ച ഒരു സെല്‍ഫിയാണ് ഇപ്പോള്‍ സിനിമലോകത്തെ ചര്‍ച്ചാവിഷയം. ഒരു വനിതാ ഓട്ടോറിക്ഷ ഡ്രൈവര്‍ക്കൊപ്പമുള്ളതാണ് ഈ സെല്‍ഫി. ഈ സെല്‍ഫിയിലേക്കെത്തിച്ച കഥ ഇങ്ങനെ…
ചെന്നൈ നഗരത്തിലൂടെ കാറില്‍ പായുകയായിരുന്നു നമിത. ഡ്രൈവിംഗില്‍ ഹരമുള്ള നമിത അപ്പോഴാണ് ആ കാഴ്ച്ച ശ്രദ്ധിക്കുന്നത്. ഒരു വനിതയാണ് ഓട്ടോ ഓടിക്കുന്നത്. നടി ഓട്ടോയെ പിന്തുടര്‍ന്നു. ഓട്ടോ നിറുത്തിയപ്പോള്‍ നമിത ഓടിവന്ന് ആ യുവതിയെക്കുറിച്ച് തിരക്കി. ഒപ്പം അവരുടെ ജീവിതത്തെക്കുറിച്ചും. ഭര്‍ത്താവ് മരിച്ച യുവതിക്ക് തുണയായി ആരുമില്ല. കുടുംബത്തെ പട്ടിണിക്കിടാതിരിക്കാനാണ് ഓട്ടോറിക്ഷ ഓടിക്കാന്‍ തീരുമാനിച്ചതെന്ന് ആ സ്ത്രീ നമിതയോട് പറഞ്ഞു. കഥ കേട്ട ഉടന്‍ കൂടെ നിന്നൊരു സെല്‍ഫി എടുത്തോട്ടെ എന്നു ചോദിക്കുന്നത് നമിതയാണ്. ഒരു സിനിമതാരം വന്നു സെല്‍ഫിയെടുത്തോട്ടെയെന്നു ചോദിച്ചപ്പോള്‍ അവര്‍ ഞെട്ടി. ആ പരിഭവം സെല്‍ഫിയില്‍ കാണുകയും ചെയ്യാം.
