സിനിമയിൽ സംവിധായകനു ലഭിക്കുന്ന അതേ പ്രതിഫലം സിനിമ എഴുതിയ ആൾക്കും കൊടുക്കണമെന്ന് മിഥുൻ മാനുവൽ തോമസ്. ”എഴുത്താണ് സിനിമയിലെ ഏറ്റവും പ്രധാനപ്പെട്ട ഡിപ്പാർട്ട്‌മെന്‍റ്.
എഴുത്ത് മോശമായി കഴിഞ്ഞാൽ ആ സിനിമയുടെ കാര്യം കട്ടപ്പൊകയാണ്. ഷൂട്ടിങ് യൂണിറ്റിന് മുന്നിലല്ല സിനിമ ആദ്യമുണ്ടാകുന്നത്. അത് എഴുത്തുകാരന്‍റെ മനസിലാണ്. അയാൾ അത് മനസിൽ കണ്ട് സംവിധായകന് പറഞ്ഞുകൊടുത്ത് വേറെ രീതിയിൽ കൺസീവ് ചെയ്യുമ്പോഴാണ് സിനിമയുണ്ടാവുന്നത്,” മിഥുൻ മാനുവൽ തോമസ് പറഞ്ഞു.
”സംവിധായകനോളം തന്നെ പ്രതിഫലം കൊടുക്കേണ്ട ഡിപ്പാർട്ട്‌മെന്‍റാണ് എഴുത്ത്. ഇപ്പോൾ അങ്ങനെയുള്ള രീതിയിലേക്കു കാര്യങ്ങൾ എത്തുന്നുണ്ട്. കണ്ടന്‍റാണ് പ്രധാനപ്പെട്ടത് എന്ന തരത്തിൽ കാര്യങ്ങൾ വരുന്നുണ്ട്. സിനിമകളും സീരിസുകളും വരുന്നുണ്ട്. ഹോളിവുഡിൽ നോക്കുകയാണെങ്കിൽ അവിടെ എഴുത്തുകാരനാണ് ഏറ്റവും പ്രാധാന്യമെന്ന്” മിഥുൻ കൂട്ടിച്ചേർത്തു.
