സോഷ്യൽ മീഡിയയിൽ ഇപ്പോൾ വൈറലാണ് ‘ഗുലാബി സാദി അനി ലാലി ലാൽ ലാൽ’ എന്ന ഗാനം. ഇൻസ്റ്റാഗ്രാം ട്രെൻഡ് സൃഷ്ടിച്ച ഈ ഗാനത്തിന്‍റെ ഒരു റീലെങ്കിലും ഉപയോക്താക്കൾ ഒരു ദിവസം കാണാതിരിക്കില്ല . ഇൻറർനെറ്റിൽ നിരവധി ആളുകൾ ഇഷ്ടപ്പെടുകയും റീലുകൾ പങ്കിടുകയും ചെയ്യുന്ന മറാത്തി ഗാനം ടാൻസാനിയൻ സ്വദേശിയായ കിലി പോൾ ചെയ്തിരിക്കുന്നതാണ് ഇപ്പോൾ ഇൻസ്റ്റഗ്രാമിൽ ശ്രദ്ധ നേടുന്നത്.
കിലി പോൾ തന്‍റെ കിടിലൻ ഭാവങ്ങളോടെ പ്രശസ്തമായ മറാത്തി ഗാനത്തിന് അഭിനയിച്ചു. വിമാനത്താവളത്തിൽ നിന്നാണ് വിനോദത്തിനായി അദ്ദേഹം റീൽ റെക്കോർഡ് ചെയ്‌തത്. വരികൾ മനസിലാക്കാൻ അദ്ദേഹത്തിന് കഴിഞ്ഞില്ലെങ്കിലും, ട്രെൻഡിന് അനുയോജ്യമായ വൈബ് കൊണ്ടുവരാൻ കിലിക്ക് കഴിഞ്ഞു. റീൽ ഇപ്പോൾ വൈറലാകുകയും അഞ്ച് ലക്ഷത്തിലധികം ലൈക്കുകൾ ഇതിനോടകം നേടുകയും ചെയ്തു.
അടുത്തിടെ, കിലിഗുജറാത്ത് സന്ദർശിച്ചിരുന്നു. ഒരു സ്വകാര്യ പരിപാടിയിൽ പങ്കെടുക്കാനായി എത്തിയതാണ് അദ്ദേഹം. വിവിധ ഇന്ത്യൻ ഭാഷകളിലുള്ള ഗാനങ്ങൾ ആസ്വദിക്കുന്ന പോസ്റ്റുകളിൽ ഇന്ത്യയോടുള്ള അദ്ദേഹത്തിന്‍റെ സ്നേഹം വ്യക്തമായി കാണാം. ഇന്ത്യയിൽ ദശലക്ഷം ആളുകളുടെ ഹൃദയം കവർന്ന ടാൻസാനിയൻ താരമാണ് കിലി പോൾ. കിലിയുടെ സഹോദരി നീമ പോളും വീഡിയോകൾ ചെയ്യാറുണ്ട്. ഇന്ത്യ ഉൾപ്പെടെ വിവിധ രാജ്യങ്ങളിൽ വൻ സ്വീകരണമാണ് ഇവരുടെ വീഡിയോകൾകക്ക് ലഭിക്കുന്നത്.
