“കി​ട​ക്ക​യി​ലെ പ്ര​ക​ട​നം” കാ​ര​ണം അ​ധ്യാ​പ​ക​രു​ടെ ശ​മ്പ​ളം വെ​ട്ടി​ക്കു​റ​യ്ക്കു​ന്നു; വിദ്യാഭ്യാസ വകുപ്പിനെ എയറിലാക്കി സോഷ്യൽ മീഡിയ

ജോ​ലി സ്ഥ​ല​ത്ത് മേ​ലു​ദ്യോ​ഗ​സ്ഥ​രു​ടെ മി​ന്ന​ൽ പ​രി​ശോ​ധ​ന ഉ​ണ്ടാ​കു​ന്പോ​ൾ ആ​രാ​യാ​ലും ഞെ​ട്ടി​പ്പോ​കി​ല്ലേ. അ​ത്ത​ര​ത്തി​ലൊ​രു മി​ന്ന​ൽ പ​രി​ശോ​ധ​ന ന​ട​ത്തി​യി​രി​ക്കു​ക​യാ​ണ് ബി​ഹാ​റി​ലെ ജാ​മു​യി സ്കൂ​ളി​ൽ. എ​ന്നാ​ൽ അ​തൊ​ന്നു​മ​ല്ല ഇ​വി​ടു​ത്തെ ര​സം.

വി​ദ്യാ​ഭ്യാ​സ വ​കു​പ്പി​ന്‍റെ മി​ന്ന​ൽ പ​രി​ശോ​ധ​ന​യി​ൽ സ്കൂ​ളി​ൽ പ​ല അ​ധ്യാ​പ​ക​രും ലീ​വി​ലാ​യി​രു​ന്നു. ഇ​ത് ഉ​ദ്യോ​ഗ​സ്ഥ​രെ ചൊ​ടി​പ്പി​ച്ചു. ഉ​ട​ൻ ത​ന്നെ അ​ന്നേ ദി​വ​സം ഹാ​ജ​രാ​കാ​തി​രു​ന്നു അ​ധ്യാ​പ​ക​ർ​ക്ക് ത​ക്ക​താ​യ ശി​ക്ഷ​യും കൊ​ടു​ത്തു. തൃ​പ്തി​ക​ര​മ​ല്ലാ​ത്ത പ്ര​ക​ട​ന നി​ല​വാ​ര​മു​ള്ള മ​റ്റു പ​ല​രെ​യും ഉ​ദ്യോ​ഗ​സ്ഥ​ർ ക​ണ്ടെ​ത്തു​ക​യും അ​വ​ർ​ക്കും ശി​ക്ഷ കൊ​ടു​ത്തു.

പ​രി​ശോ​ധ​ന​യെ​ത്തു​ട​ർ​ന്ന്, ജാ​മു​യി​യി​ലെ ജി​ല്ലാ വി​ദ്യാ​ഭ്യാ​സ ഓ​ഫീ​സ​ർ 16 അ​ധ്യാ​പ​ക​ർ​ക്കെ​തി​രേ​യാ​ണ് ശി​ക്ഷാ ന​ട​പ​ടി​ക​ൾ ചൂ​ണ്ടി​ക്കാ​ട്ടി ക​ത്ത് ന​ൽ​കി​യ​ത്. പ​രി​ശോ​ധ​ന​യ്ക്കി​ടെ ഹാ​ജ​രാ​കാ​ത്ത​തി​ന് മൂ​ന്ന് അ​ധ്യാ​പ​ക​ർ​ക്ക് നേ​രെ ന​ട​പ​ടി എ​ടു​ത്തു. മ​റ്റ് 13 പേ​ർ​ക്ക് മോ​ശം പ്ര​ക​ട​ന​ത്തി​ന് പി​ഴ​യും ചു​മ​ത്തി, ഇ​തി​നാ​യി ഒ​രു ദി​വ​സ​ത്തെ ശ​മ്പ​ളം വെ​ട്ടി​ക്കു​റ​ച്ചു.

എ​ന്നാ​ൽ വി​ദ്യാ​ഭ്യാ​സ വ​കു​പ്പി​ന്‍റെ ഈ ​ന​ട​പ​ടി ഇ​പ്പോ​ൾ സോ​ഷ്യ​ൽ മീ​ഡി​യ​യി​ൽ ചി​രി പ​ട​ർ​ത്തി​യി​രി​ക്കു​ക​യാ​ണ്. ഹാ​ജ​രാ​കാ​ത്ത ജാ​മു​യി​യി​ലെ സ്‌​കൂ​ൾ അ​ധ്യാ​പ​ക​ർ​ക്കും പ്ര​ക​ട​ന നി​ല​വാ​ര​മി​ല്ലാ​ത്ത അ​ധ്യാ​പ​ക​ർ​ക്കും പി​ഴ ചു​മ​ത്താ​നു​ള്ള കാ​ര​ണ​മാ​യി സ​ർ​ക്കാ​ർ ഡോ​ക്യു​മെ​ന്‍റി​ൽ രേ​ഖ​പ്പെ​ടു​ത്തി​യ കാ​ര​ണം ‘ബെ​ഡ് പെ​ർ​ഫോ​ർ​മ​ൻ​സ്’ എ​ന്നാ​ണ്.

ബാ​ഡ് എ​ന്ന​തി​നു പ​ക​രം ബെ​ഡ് എ​ന്നാ​ണ് ടൈ​പ്പ് ചെ​യ്ത​ത്. അ​ക്ഷ​ര​തെ​റ്റ് ക​ട​ന്നു കൂ​ടി​യ​ത് ആ​രു​ടേ​യും ശ്ര​ദ്ധ​യി​ലും​പെ​ട്ടി​ല്ല. ഒ​രു വാ​ക്ക് മാ​റി​യ​പ്പോ​ൾ അ​ത് “കി​ട​ക്ക​യി​ലെ പ്ര​ക​ട​നം” കാ​ര​ണം അ​ധ്യാ​പ​ക​രു​ടെ ശ​മ്പ​ളം വെ​ട്ടി​ക്കു​റ​യ്ക്കു​ന്നു എ​ന്നു​മാ​യി. എ​ന്താ​യാ​ലും സം​ഗ​തി ഇ​പ്പോ​ൾ വൈ​റ​ലാ​ണ്.