ഒന്നാം ക്ലാസിലെ കേരള പാഠാവലിയുടെ കവര്‍ ചിത്രത്തില്‍ ഒരു അമ്മയുടെ ചിത്രം ഇല്ലെന്നു ചൂണ്ടിക്കാട്ടി നടന്‍ ഹരീഷ് പേരടി. സൂക്ഷ്മദർശിനി വച്ച് നോക്കിയിട്ടുപോലും ഒരു അമ്മയെ കാണാനില്ല.
മുലപ്പാലിന്‍റെ മണം മാറാത്ത ഒരു കുട്ടിയുടെ പാഠപുസ്തകത്തിന്‍റെ കവർ ചിത്രമാണെന്ന് താരം പറഞ്ഞു. കുടുംബശ്രിയിലെ പുല്ല് വെട്ടുന്ന ഒരു അമ്മ പോലും ഇല്ലാത്ത മാതൃകാ കവർ ചിത്രമാണിത്.
എക്സിറ്റ്പോൾ ഫലം വെച്ച് നോക്കിയാൽ “എന്തുകൊണ്ട് നമ്മൾ തോറ്റു” എന്ന ഉത്തമൻമാരുടെ ചോദ്യത്തിനുള്ള ഉത്തരം ലഭിക്കുമെന്നും അദ്ദേഹം കൂട്ടിച്ചേർത്തു. ഫേസ്ബുക്ക് പോസ്റ്റിലാണ് ഇക്കാര്യത്തെ കുറിച്ച് പറഞ്ഞിരിക്കുന്നത്.
ഫേസ്ബുക്ക് പോസ്റ്റിന്‍റെ പൂർണ രൂപം…
ഒന്നാം ക്ലാസിലെ കേരള പാഠാവലിയുടെ മാറ്റത്തിന്‍റെ പേരിൽ ഏറെ ആഘോഷിക്കപ്പെടുന്ന കവർ ചിത്രമാണ്. ജോലി കഴിഞ്ഞ് വീട്ടിലേക്ക് സാധനങ്ങളുമായിവരുന്ന അച്ഛൻമാരുണ്ട്.
അതിൽ സന്തോഷിക്കുന്ന ആൺ, പെൺകുട്ടികളുണ്ട്. കിളികളുണ്ട്, പൂക്കളുണ്ട്, പശുവുണ്ട്. പശുവിന്‍റെയപ്പുറം ചാണകം ഉണ്ടാവുമെന്ന് പ്രത്യേകം പറയേണ്ടതില്ലല്ലോ.
പക്ഷെ സൂക്ഷ്മദർശിനി വച്ച് നോക്കിയിട്ടുപോലും ഒരു അമ്മയെ കാണാനില്ല. മുലപ്പാലിന്‍റെ മണം മാറാത്ത ഒരു കുട്ടിയുടെ പാഠപുസ്തകത്തിന്‍റെ കവർ ചിത്രമാണ്.
കുടുംബശ്രീയിലെ പുല്ല് വെട്ടുന്ന ഒരു അമ്മ പോലും ഇല്ലാത്ത മാതൃകാ കവർ ചിത്രം. എക്സിറ്റ്പോൾ ഫലം വെച്ച് നോക്കിയാൽ “എന്തുകൊണ്ട് നമ്മൾ തോറ്റു” എന്ന ഉത്തമൻമാരുടെ ചോദ്യത്തിനുള്ള ഉത്തരം. എല്ലാം എത്രയും പെട്ടന്ന് ശരിയാകും. ആശംസകൾ.
