ഹൂസ്റ്റണ്‍: യുഎസിലെ കാലിഫോർണിയയിൽ ഇന്ത്യൻ വിദ്യാർഥിനിയെ കാണാതായി. നിതീഷ കാണ്ടുലയെ (23) ആണ് കാണാതായത്. മെയ് 28 നാണ് വിദ്യാർഥിനിയെ കാണാതായത്.
ഹൈദരാബാദ് സ്വദേശിനിയായ നിതീഷ കാലിഫോർണിയ സ്‌റ്റേറ്റ് യൂണിവേഴ്‌സിറ്റി സാൻ ബെർണാർഡിനോ വിദ്യാർഥിനി ആണ്. യുവതിയെ കുറിച്ച് എന്തെങ്കിലും വിവരം ലഭിച്ചാൽ (909) 537-5165 നമ്പറിൽ അറിയിക്കണമെന്ന് പോലീസ് പറഞ്ഞു.
നിതീഷയെ കാണാതായി രണ്ട് ദിവസത്തിനു ശേഷമാണ് വിദ്യാർഥിയെ കാണായാതെന്ന് പരാതി ലഭിച്ചത്. യുവതിക്ക് 5 അടി 6 ഇഞ്ച് ഉയരവും 72.5 കിലോഗ്രാം ഭാരവുമുണ്ട്. കാലിഫോർണിയ ലൈസൻസ് പ്ലേറ്റുള്ള ടൊയോട്ട കൊറോളയാണ് വിദ്യാർഥിനി ഓടിച്ചിരുന്നതെന്ന് പോലീസ് പ്രസ്താവനയിൽ അറിയിച്ചു.
