ലോക്സഭാ തെരഞ്ഞെടുപ്പില്‍ തൃശൂരിൽ ബിജെപി സ്ഥാനാർഥി സുരേഷ് ഗോപി വിജയിച്ചതോടെ നടി നിമിഷ സജയനെതിരേ സോഷ്യൽ മീഡിയയിൽ ട്രോളുകൾ നിറയുന്നു.
താരത്തിന്‍റെ സോഷ്യൽ മീഡിയ അക്കൗണ്ടുകൾ പരിഹാസ കമന്‍റുകൾ കൊണ്ട് നിറയുകയാണ്. ഇൻസ്റ്റഗ്രാം ഫേസ്ബുക്ക് പോസ്റ്റുകളുടെ കമന്‍റ് സെക്ഷനിലാണ് കടുത്ത സൈബറാക്രമണം നടക്കുന്നത്. ഇതോടെ താരം തന്‍റെ സോഷ്യൽ മീഡിയ പേജുകളിൽ പോസ്റ്റ് ചെയ്യുന്ന കമന്‍റിന് നിയന്ത്രണം ഏർപ്പെടുത്തി.
തൃശൂർ ചോദിച്ചിട്ട് നമ്മൾ കൊടുത്തില്ല പിന്നയല്ലേ ഇന്ത്യ ചോദിച്ചിട്ട് കൊടുക്കുന്നു എന്ന് നാല് വർഷം മുമ്പ് നിമിഷ പറഞ്ഞൊരു പ്രസ്താവനയെയാണ് ഇപ്പോൾ സുരേഷ് ഗോപിയുടെ വിജയത്തോടെ കുത്തിപ്പൊക്കി ട്രോളാക്കുന്നത്.
