കൊല്ലം: താംബരം -മംഗളൂരു റൂട്ടിൽ നാളെ മുതൽ ദ്വൈവാര സമ്മർ സ്പെഷൽ എസി ട്രെയിൻ സർവീസ് നടത്തും. 06047 താംബരം -മംഗളുരു വണ്ടി നാളെ, ഒമ്പത്, 14, 16, 21, 23, 28, 30 തീയതികളിൽ ഉച്ചയ്ക്ക് 1.55 ന് താംബരത്ത് നിന്ന് പുറപ്പെട്ട് അടുത്ത ദിവസം രാവിലെ 6.55 ന് മംഗലാപുരത്ത് എത്തും.
തിരിച്ചുള്ള സർവീസ് (06748) മംഗളുരുവിൽ നിന്ന് എട്ട്, 10, 15, 17, 22, 24 , 29, ജൂലൈ ഒന്ന് തീയതിൽ ഉച്ചയ്ക്ക് 12 ന് പുറപ്പെട്ട് പിറ്റേ ദിവസം രാവിലെ 4.45 ന് താംബരത്ത് എത്തും. ഇരു ദിശകളിലുമായി എട്ട് വീതം സർവീസുകളാണ് ക്രമീകരിച്ചിട്ടുള്ളത്.
14 എസി ത്രീ ടയർ കോച്ചുകളും അംഗപരിമിതർക്കായി രണ്ട് സെക്കൻ്റ് ക്ലാസ് കോച്ചുകളും ഉണ്ടാകും. മുൻകൂർ ബുക്കിംഗ് ആരംഭിച്ച് കഴിഞ്ഞു.
പാലക്കാട്, ഒറ്റപ്പാലം, തൃശൂർ, തിരൂർ, കോഴിക്കോട്, വടകര, തലശേരി, കണ്ണൂർ, പയ്യന്നൂർ, കാസർഗോഡ് എന്നിവയാണ് കേരളത്തിൽ സ്റ്റോപ്പുള്ള സ്റ്റേഷനുകൾ.
