ഏറെ സവിശേഷതകളുള്ള ജമാൽ എന്ന കേന്ദ്ര കഥാപാത്രത്തെ അവതരിപ്പിക്കുന്ന സോഷ്യൽ ക്രൈം ത്രില്ലറാണ് ജമാലിന്‍റെ പുഞ്ചിരി. പ്രതികരണശേഷി നഷ്ടപ്പെട്ട ഇന്നത്തെ സമൂഹത്തിൽ നീതി നിഷേധത്തിനെതിരേ ഒറ്റയാൾ പോരാട്ടം നടത്തുന്ന ജമാൽ എന്ന കഥാപാത്രം ഇന്ദ്രൻസ് എന്ന അതുല്യ നടന്‍റെ മറ്റൊരു വിസ്മയ പ്രകടനമായിരിക്കും.
ഇന്ദ്രൻസിനൊപ്പം പ്രയാഗ മാർട്ടിൻ, സിദ്ദിഖ്, മിഥുൻ രമേഷ്, ജോയ് മാത്യു, അശോകൻ, സോനാ നായർ, മല്ലിക സുകുമാരൻ, ശിവദാസൻ, ജസ്ന , ദിനേശ് പണിക്കർ, രാജ് മോഹൻ. യദുകൃഷ്ണൻ, സുനിൽ തുടങ്ങിയ വലിയ ഒരു താരനിര തന്നെ അണിനിരക്കുന്നുണ്ട്.
ചിത്രം ക്രിയേഷൻസിന്‍റെ ബാനറിൽ ശ്രീജാസുരേഷും വി.എസ്.സുരേഷും ചേർന്ന് നിർമിക്കുന്ന ജമാലിന്‍റെ പുഞ്ചിരി ഇന്നു തിയറ്റുകളിലെത്തുന്നു.
ചിത്രത്തിന്‍റെ കഥയും തിരക്കഥയും ഒരുക്കിയിരിക്കുന്നത് വി. എസ്. സുഭാഷാണ്. ഗാനരചന അനിൽ പാതിരപ്പള്ളി, മധുരാജഗോപാൽ, സംഗീതം, പശ്ചാത്തല സംഗീതം വർക്കി, ഛായാഗ്രഹണം ഉദയൻ അമ്പാടി, എഡിറ്റർ വിപിൻ മണ്ണൂർ, മേക്കപ്പ് സന്തോഷ്, വസ്ത്രാലങ്കാരം ഇന്ദ്രൻസ് ജയൻ, കലാസംവിധാനം അജയ് ജി അമ്പലത്തറ, മഹേഷ് മംഗലയ്ക്കൽ, ചീഫ് അസോസിയേറ്റ് ഡയറക്ടർ പ്രകാശ് ആർ നായർ, സജി സുകുമാർ, പ്രൊഡക്ഷൻ കൺട്രോളർ ഷിബു പന്തലക്കോട്, പ്രൊഡക്ഷൻ ഡിസൈനർ ചന്ദ്രൻ പനങ്ങോട്, സ്റ്റിൽസ് ശ്രീനി മഞ്ചേരി, സലീഷ് പെരിങ്ങോട്ടുകര, കളറിസ്റ്റ് രാജേഷ്, സൗണ്ട് മിക്സിംഗ് ജിയോ പയസ്. ഫിയോക്ക് ആണ് ചിത്രം തിയറ്ററുകളിൽ എത്തിക്കുന്നത്.
