എം​ബാം​ചെ​യ്ത പെ​ട്ടി​ക​ൾ​ക്ക് മു​ന്നി​ൽ ഉ​റ്റ​വ​രു​ടെ മു​ഖം ഒ​രു​നോ​ക്ക് കാ​ണാ​നാ​വാ​തെ അ​ല​മു​റ​യി​ട്ട് ബ​ന്ധു​ക്ക​ൾ; കൊ​ച്ചി വി​മാ​ന​ത്താ​വ​ള​ത്തി​ലെ കാ​ഴ്ച ഏ​വ​രു​ടെ​യും ക​ണ്ണു​ന​ന​യ്ക്കു​ന്ന​ത്…

കൊ​ച്ചി: സ്വ​പ്ന​ങ്ങ​ളു​ടെ ചി​റ​കി​ലേ​റി വി​ദേ​ശ​ത്തേ​ക്ക് പ​റ​ന്ന ഒ​രു​പ​റ്റ​മാ​ളു​ക​ൾ. ചൂ​ടും മ​ഴ​യും വ​ക​വെ​യ്ക്കാ​തെ രാ​പ്പ​ക​ല​ന്തി​യോ​ളം ഉ​റ്റ​വ​ർ​ക്കാ​യി പ​ണി​യെ​ടു​ത്ത പ്ര​വാ​സി​ക​ൾ. ഒ​രൊ​റ്റ നി​മി​ഷം​കൊ​ണ്ട് ലേ​ബ​ർ ക്യാം​പി​ലു​ണ്ടാ​യ തീ​പി​ടു​ത്ത​ത്തി​ൽ ഒ​രു​കൂ​ട്ടം ആ​ളു​ക​ളു​ടെ പ്ര​തീ​ക്ഷ​ക​ളും സ്വ​പ്ന​ങ്ങ​ളു​മാ​ണ് ത​ക​ർ​ത്തെ​റി​ഞ്ഞ​ത്.

കു​വൈ​ത്തി​ലെ ലേ​ബ​ർ ക്യാം​പി​ലു​ണ്ടാ​യ തീ​പി​ടു​ത്ത​ത്തി​ല്‍ മ​രി​ച്ച 33 ഇ​ന്ത്യ​ക്കാ​രു​ടെ മൃ​ത​ദേ​ഹ​ങ്ങ​ളു​മാ​യി വ്യോ​മ​സേ​ന വി​മാ​നം കൊ​ച്ചി വി​മാ​ന​ത്താ​വ​ള​ത്തി​ലെ​ത്തി​യ​പ്പോൾ ത​ണു​ത്ത് വി​റ​ങ്ങ​ലി​ച്ച് ഒ​രു​പെ​ട്ടി​ക്കു​ള്ളി​ൽ കി​ട​ക്കു​ന്ന ഉ​റ്റ​വ​രു​ടെ മു​ഖ​മൊ​ന്നു കാ​ണാ​ൻ സാ​ധി​ക്കാ​തെ ബ​ന്ധു​ക്ക​ൾ തേ​ങ്ങ​ലോ​ടെ മൃ​ത​ശ​രീ​ര​ത്തി​ന​രി​കെ കാ​ത്തി​രി​ക്കു​ന്ന കാ​ഴ്ച ക​ണ്ടു​നി​ൽ​ക്കാ​ൻ പോ​ലു​മാ​വാ​ത്ത​താ​ണ്.

ലേ​ബ​ർ ക്യാം​പി​ലു​ണ്ടാ​യ തീ​പി​ടു​ത്ത​ത്തി​ൽ പൂ​ർണ്ണമായും ക​ത്തി​ക്ക​രി​ഞ്ഞ നി​ല​യി​ലാ​ണ് മി​ക്ക​വ​രു​ടേ​യും ശ​രീ​ര​ങ്ങ​ൾ.

അ​തി​നാ​ൽ​ത്ത​ന്നെ പെ​ട്ടി തു​റ​ന്ന് ത​ങ്ങ​ളു​ടെ പ്രി​യ​പ്പെ​ട്ട​വ​രു​ടെ മു​ഖം അ​വ​സാ​ന​മാ​യൊ​ന്ന് കാ​ണാ​ൻ പോ​ലും ബ​ന്ധു​ക്ക​ൾ​ക്കോ വേ​ണ്ട​പ്പെ​ട്ട​വ​ർ​ക്കോ സാ​ധി​ക്കി​ല്ല.

പെ​ട്ടി​ക്കു മു​ക​ളി​ൽ പ​തി​ച്ച മ​ര​ണ​പ്പെ​ട്ട​വ​രു​ടെ ഫോ​ട്ടോ​യി​ൽ നോ​ക്കി അ​ല​മു​റ​യി​ടു​ന്ന വീ​ട്ടു​കാ​രെ എ​ന്ത് പ​റ​ഞ്ഞ് ആ​ശ്വ​സി​പ്പി​ക്ക​ണ​മെ​ന്ന​റി​യാ​തെ നി​സ​ഹാ​യ​ക​രാ​യി വി​തു​മ്പ​ലോ​ടെ ചു​റ്റു​മു​ള്ള​വ​ർ നിൽക്കുന്നു. ഉടൻതന്നെ ഇവരുടെ മൃതദേഹം അവരവരുടെ വീടുകളിലേക്കെത്തിക്കും.