മലയാളത്തിലെ പുതിയകാല ഗായികമാരില്‍ മുൻപന്തിയിൽ തന്നെ സ്ഥാനമുള്ള ഗായികയാണ് ഗൗരി ലക്ഷ്മി. സ്റ്റേജ് പെര്‍ഫോമര്‍ എന്ന തരത്തിലും ഗായിക എന്ന നിലയിലും യുവാക്കൾക്ക് ഹരമാണ് ഗൗരിയുടെ പാട്ടുകള്‍.
ഇപ്പോഴിതാ ഗൗരി തന്‍റെ മുറിവ് എന്ന ആൽബത്തിലെ ആദ്യഭാഗം ആലപിക്കുന്ന വീഡിയോയാണ് വൈറലാകുന്നത്. ഇതിനു പിന്നാലെ വലിയ തോതിലുള്ള വിമര്‍ശനവും ട്രോളും ഗായികയെത്തേടിയെത്തി.
മുറിവിലെ എന്‍റെ പേര് പെണ്ണ്! എന്‍റെ വയസ് എട്ട്, സൂചികുത്താനിടമില്ലാത്ത ബസിലന്ന് എന്‍റെ പൊക്കിള്‍ തേടി വന്നവന്‍റെ പ്രായം 40′. എന്ന് തുടങ്ങുന്ന വരികളാണ് വൈറലാകുന്നത്.
എന്നാൽ തനിക്കെതിരേ വരുന്ന വിമർശനങ്ങളിൽ പ്രതികരിച്ചിരിക്കുകയാണ് ഇപ്പോൾ ഗൗരി. ” മുറിവ് എന്‍റെ പേഴ്സണല്‍ എക്സ്പീരിയന്‍സാണ്, അതില്‍ ആദ്യം പറയുന്ന എട്ടുവയസ് എന്‍റെ പേഴ്സണല്‍ എക്സ്പീരിയന്‍സാണ്, 22 വയസ് എന്‍റെ പേഴ്സണല്‍ എക്സ്പീരിയന്‍സാണ്. ഞാന്‍ അനുഭവിച്ചത് മാത്രമേ എഴുതിയിട്ടുള്ളൂ. അല്ലാതെ ഞാന്‍ വേറെ കഥ സങ്കല്‍പ്പിച്ച് എഴുതിയത് അല്ല എന്നാണ് ഗൗരിയുടെ വാക്കുകൾ.
