തിരുവനന്തപുരം: സംസ്ഥാന പോലീസ് അസോസിയേഷന്‍റെ ഓൺലൈൻ മീറ്റിംഗിനിടെ തെറിവിളി. ചൊവ്വാഴ്ച രാത്രിയായിരുന്നു സംഭവം. സംസ്ഥാന പ്രസിഡന്‍റ് സംസാരിക്കുന്നതിനിടെ ചീത്ത വിളിക്കുകയായിരുന്നു.
കണ്ണൂർ സിറ്റി സൈബർ പോലീസ് സ്റ്റേഷനിലെ എസ്ഐമാരായ പ്രജീഷ്, സജി ഫിലിപ്പ് എന്നിവരാണ് മീറ്റിംഗിനിടെ മോശമായി സംസാരിച്ചത്. പോലീസുകാരുടെ ജോലി സമ്മർദ്ദം കുറയ്ക്കാനായി യൂണിയൻ ഒന്നും ചെയ്യുന്നില്ലന്ന് ആരോപിച്ചായിരുന്നു രണ്ടു പേരും തെറിവിളി നടത്തിയത്.
അതേസമയം, ഇവർ മീറ്റിംഗിൽ അബദ്ധത്തിൽ കയറിയതാണെന്നും ഇരുവർക്കുമെതിരേ നടപടി ഒന്നുമില്ലന്നുമാണ് കെപിഎയുടെ വിശദീകരണം. എന്തായാലും പോലീസുകാരുടെ തെറിവിളി സമൂഹ മാധ്യമങ്ങളിൽ വ്യാപകമായി പ്രചരിക്കുകയാണ്.
