സാ​ധ​നം വാ​ങ്ങാ​നെ​ന്ന വ്യാ​ജേ​ന ക​ട​യി​ലെ​ത്തി; യു​വ​തി​യു​ടെ 5 പ​വ​ന്‍റെ മാ​ല പൊ​ട്ടി​ക്കാ​ൻ ശ്ര​മം; പി​ടി​വ​ലി​ക്കി​ടെ പാ​തി​ഭാ​ഗ​വു​മാ​യി ക​ള്ള​ൻ ര​ക്ഷ​പ്പെ​ട്ടു; എ​ല്ലാം കൃ​ത്യ​മാ​യി കാ​ട്ടി​ക്കൊ​ടു​ത്ത് സാ​ക്ഷി

ച​ക്ക​ര​ക്ക​ൽ: ക​ട​യി​ൽ സാ​ധ​നം വാ​ങ്ങാ​നെ​ന്ന വ്യാ​ജേ​ന എ​ത്തി ക​ട​യി​ലു​ണ്ടാ​യി​രു​ന്ന സ്ത്രീ​യു​ടെ മാ​ല പൊ​ട്ടി​ച്ച​യാ​ൾ പി​ടി​യി​ൽ.മൗ​വ​ഞ്ചേ​രി പ​ള്ളി​പൊ​യി​ൽ സ​ർ​ഫ്രാ​സാ​ണ് (28) അ​റ​സ്റ്റി​ലാ​യ​ത്. സി​ഐ എം.​പി. ആ​സാ​ദി​ന്‍റെ നേ​തൃ​ത്വ​ത്തി​ൽ ന​ട​ത്തി​യ അ​ന്വേ​ഷ​ണ​ത്തി​ലാ​ണ് പ്ര​തി പി​ടി​യി​ലാ​കു​ന്ന​ത്.

തി​ലാ​ന്നൂ​ർ സ്വ​ദേ​ശി വി.​കെ. ശ്രീ​ക​ല​യു​ടെ (48) മാ​ല​യാ​ണ് ക​വ​ർ​ന്ന​ത്.പ​രാ​തി​ക്കാ​രി​യു‌​ടെ ഭ​ർ​ത്താ​വി​ന്‍റെ ഉ​ട​മ​സ്ഥ​ത​യി​ലു​ള്ള ബാ​ലാ​ജി സ്റ്റോ​ർ എ​ന്ന ക​ട​യി​ൽ ബൈ​ക്കി​ൽ സാ​ധ​നം വാ​ങ്ങാ​നെ​ത്തി​യ യു​വാ​വ് ശ്രീ​ക​ല​യു​ടെ ക​ഴു​ത്തി​ലെ മാ​ല പൊ​ട്ടി​ക്കാ​ൻ ശ്ര​മി​ക്കു​ക​യാ​യി​രു​ന്നു.ശ്രീ​ക​ല നി​ല​വി​ളി​ച്ച​പ്പോ​ൾ പ്ര​തി അ​ഞ്ചു​പ​വ​ൻ മാ​ല​യി​ൽ നി​ന്നും ഒ​ന്നേ​കാ​ൽ പ​വ​നോ​ളം പൊ​ട്ടി​ച്ച് ര​ക്ഷ​പെ​ടു​ക​യാ​യി​രു​ന്നു.​

സി​സി​ടി​വി ദൃ​ശ്യ​ങ്ങ​ൾ കേ​ന്ദ്രീ​ക​രി​ച്ച് ന​ട​ത്തി​യ അ​ന്വേ​ഷ​ണ​ത്തി​ൽ മ​ഴ​ക്കോ​ട്ട് ധ​രി​ച്ച് ബൈ​ക്കി​ൽ പോ​കു​ന്ന​യാ​ളു​ടെ ദൃ​ശ്യം ല​ഭി​ച്ചി​രു​ന്നു. എ​ന്നാ​ൽ, ആ​ളെ വ്യ​ക്ത​മാ​യി​രു​ന്നി​ല്ല.

തു​ട​ർ​ന്ന് ബൈ​ക്ക് കേ​ന്ദ്രീ​ക​രി​ച്ച് ന​ട​ത്തി​യ അ​ന്വേ​ഷ​ണ​മാ​ണ് പ്ര​തി​യി​ലേ​ക്കെ​ത്താ​ൻ സ​ഹാ​യി​ച്ച​ത്.അ​ന്വേ​ഷ​ണ സം​ഘ​ത്തി​ൽ പോ​ലീ​സു​കാ​രാ​യ ബാ​ബു പ്ര​സാ​ദ്, അ​നീ​ഷ്കു​മാ​ർ ചു​ള്ളേ​രി, നി​ധീ​ഷ് ആ​ല​ക്ക​ണ്ടി, ഷി​ജു ചേ​ലോ​റ എ​ന്നി​വ​രു​മു​ണ്ടാ​യി​രു​ന്നു.