പ്രകൃതിയുടെയും മനുഷ്യ ജീവന്‍റെയും അതിജീവനത്തിന്‍റെ കഥയുമായി എത്തുകയാണ് ദി ലൈഫ് ഓഫ് മാൻഗ്രോവ് എന്ന ചിത്രം. എൻ.എൻ. ബൈജു രചനയും സംവിധാനവും നിർവഹിക്കുന്ന ഈ സിനിമയുടെ ചിത്രീകരണം തൃശൂർ അമല ഹോസ്പിറ്റലിലും പരിസരങ്ങളിലുമായി പൂർത്തിയായി. ചിത്രം ഉടൻ തിയറ്ററുകളിലെത്തും.
കാൻസർ എന്ന മാരക രോഗം മൂലം സ്വന്തം ഗ്രാമം ഉപേക്ഷിക്കേണ്ടി വന്ന സാധാരണക്കാരായ ഒരു പറ്റം മനുഷ്യരുടെ കഥ പറയുകയാണ് ദ ലൈഫ് ഓഫ് മാൻഗ്രോവ് എന്ന ചിത്രം . കൂടാതെ പരിസ്ഥിതി മലിനീകരണത്തിനെതിരേ ശക്തമായി പ്രതികരിക്കുന്ന ഒരു സമൂഹത്തിന്‍റെ കഥ കൂടി ചിത്രം പറയുന്നു. എസ്. ആൻഡ് എച്ച് ഫിലിംസിനു വേണ്ടി ശോഭാ നായർ, ഹംസ പി.വി. കൂറ്റനാട്,
ഉമ്മർ പട്ടാമ്പി, സതീഷ് പൈങ്കുളം എന്നിവരാണു ചിത്രം നിർമിക്കുന്നത്. കാമറ നിധിൻ തളിക്കുളം, എഡിറ്റിംഗ് ജി.മുരളി, ഗാനങ്ങൾ ഡി.ബി. അജിത്ത്, സംഗീതം ജോസി ആലപ്പുഴ, കല ഹരി തിരുവിഴാംകുന്ന്, പ്രൊഡക്ഷൻ കൺട്രോളർ ശ്യാം പ്രസാദ്, അസോസിയേറ്റ് ഡയറക്ടർ രതീഷ് ഷൊർണൂർ, മേക്കപ്പ് ബിനോയ് കൊല്ലം, കോസ്റ്റ്യൂം റസാഖ് തിരൂർ, അസിസ്റ്റന്‍റ് ഡയറക്ടർ സോന ജയപ്രകാശ്, സ്റ്റിൽ മനു ശങ്കർ, പിആർഒ അയ്മനം സാജൻ, സുധീർ കരമന, നിയാസ് ബക്കർ, ദിനേശ് പണിക്കർ, കോബ്രാ രാജേഷ്, ഗായത്രി വിജയ്, അയ്ഷ്ബിൻ, ഷിഫിന ഫാത്തിമ, വേണു അമ്പലപ്പുഴ, വി. മോഹൻ, നസീർ മുഹമ്മദ് ചെറുതുരുത്തി , ബിജു രാജ്, കോട്ടത്തല ശ്രീകുമാർ തുടങ്ങിയവരാണ് അഭിനേതാക്കൾ.
