മുംബൈ: ഇന്ത്യൻ നാവികസേനയുടെ യുദ്ധക്കപ്പൽ ഐഎൻഎസ് ബ്രഹ്മപുത്രയിൽ ഉണ്ടായ തീപിടിത്തത്തിൽ ഒരു സേനാംഗത്തെ കാണാതായി.
മുംബൈയിലെ നാവിക ഡോക്ക് യാർഡിൽ അറ്റകുറ്റപ്പണി നടത്തുന്നതിനിടെ ഇന്നലെ വൈകിട്ടോടെയാണ് തീപിടിത്തം ഉണ്ടായത്. പിടിത്തത്തെത്തുടർന്നു കപ്പൽ ഒരു വശത്തേക്ക് ചെരിഞ്ഞിരുന്നു.
തീ നിയന്ത്രണ വിധേയമാക്കിയെങ്കിലും കപ്പലിനെ പൂര്‍വ സ്ഥിതിയിലാക്കാൻ സാധിച്ചിരുന്നില്ല. കപ്പലിലുണ്ടായിരുന്ന ഒരാളൊഴികെ മറ്റെല്ലാവരെയും രക്ഷപ്പെടുത്തി.
കാണാതായ ജൂണിയര്‍ സെയിലര്‍ക്കായി തെരച്ചിൽ തുടരുകയാണ്. തീപിടിത്ത കാരണം വെളിവായിട്ടില്ല. സംഭവത്തിൽ നാവികസേന ആഭ്യന്തര അന്വേഷണത്തിന് ഉത്തരവിട്ടു.
