മു​ക്കു​പ​ണ്ടം പ​ണ​യ​പ്പെ​ടു​ത്തി 32 ല​ക്ഷം രൂ​പ ത​ട്ടി​യ കേ​സ്; മാറി മാറി പണയം വയ്ക്കുന്നത് വളകൾ മാത്രം; ജീവനക്കാരുടെ സംശയം രേഖയെ കുടുക്കി

കൊ​ച്ചി: കെ​എ​സ്എ​ഫ്ഇ​യി​ല്‍ മു​ക്കു​പ​ണ്ടം പ​ണ​യം വ​ച്ച് പ​ല ത​വ​ണ​ക​ളാ​യി 32 ല​ക്ഷം രൂ​പ​ ത​ട്ടി​യ ര​ണ്ടം​ഗ സം​ഘം പി​ടി​യി​ലാ​യ കേ​സി​ല്‍ പ്ര​തി രേ​ഖ മു​ൻപും നാ​ല​ര ല​ക്ഷ​ത്തി​ല​ധി​കം രൂ​പ ത​ട്ടി​യെടു​ത്തെ​ന്ന് പോ​ലീ​സ്. കേ​സു​മാ​യി ബ​ന്ധ​പ്പെ​ട്ട് എ​റ​ണാ​കു​ളം മ​ഞ്ഞു​മ്മ​ല്‍ മ​ന​ക്ക​പ്പ​റ​മ്പി​ല്‍ രേ​ഖ(45), തൃ​പ്പൂ​ണി​ത്തു​റ സ്വ​ദേ​ശി ജ​യ് ഗ​ണേ​ഷ്(42) എ​ന്നി​വ​രെ​യാ​ണ് ചേ​രാ​നെ​ല്ലൂ​ര്‍ പോ​ലീ​സ് ഇ​ന്‍​സ്‌​പെ​ക്ട​ര്‍ സൈജു കെ. ​പോ​ള്‍, എ​സ്‌​ഐ ജി. ​സു​നി​ല്‍ എ​ന്നി​വ​രു​ടെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘം അ​റ​സ്റ്റ് ചെ​യ്ത്.

പ​ല ത​വ​ണ​ക​ളാ​യി വ​ള മാ​ത്രം പ​ണ​യം​വ​യ്ക്കു​ന്ന​തി​ല്‍ സം​ശ​യം തോ​ന്നി​യ കെ​എ​സ്എ​ഫ്ഇ ജീ​വ​ന​ക്കാ​ര്‍ വി​വ​രം പോ​ലീ​സിനെ അ​റി​യി​ച്ച​തി​നെ​ത്തു​ട​ര്‍​ന്ന് ന​ട​ത്തി​യ അ​ന്വേ​ഷ​ണ​ത്തി​ലാ​ണ് ത​ട്ടി​പ്പ് സംഘം പി​ടി​യി​ലാ​യ​ത്.

ത​ട്ടി​പ്പ് ന​ട​ത്തി​യ​ത് ഹോം ​ന​ഴ്‌​സിം​ഗ് സ്ഥാ​പ​ന​ത്തി​ന്‍റെ മ​റ​വി​ല്‍

മ​ഞ്ഞു​മ്മ​ലി​ല്‍ പ്ര​ഗ​തി ന​ഴ്‌​സിം​ഗ് ഹോം ​എ​ന്ന സ്ഥാ​പ​ന​ത്തി​ന്‍റെ മ​റ​വി​ലാ​ണ് രേ​ഖ മു​മ്പ് ത​ട്ടി​പ്പ് ന​ട​ത്തി​യ​ത്. ഹോം ​ന​ഴ്‌​സാ​യി ജോ​ലി​യി​ല്‍ പ്ര​വേ​ശി​ക്കു​ന്ന​വ​രു​ടെ ശ​മ്പ​ളം ഉ​ള്‍​പ്പെ​ടെ​യു​ള്ള കാ​ര്യ​ങ്ങ​ൾ ഇ​വ​രു​ടെ കൈ​യി​ലേ​ക്കാ​ണ് വാ​ങ്ങി​യി​രു​ന്ന​ത്. ഇ​ട​നി​ല​ക്കാ​രി​യാ​യി പ്ര​വ​ര്‍​ത്തി​ച്ചി​രു​ന്ന രേ​ഖ പി​ന്നീ​ട് ഏ​ക​ദേ​ശം നാ​ല​ര ല​ക്ഷ​ത്തോ​ളം രൂ​പ​യു​മാ​യി മു​ങ്ങു​ക​യാ​യി​രു​ന്നു. ഈ ​സം​ഭ​വ​ത്തി​ല്‍ ഇ​വ​ര്‍​ക്കെ​തി​രേ ഏ​ലൂ​ര്‍ പോ​ലീ​സ് സ്‌​റ്റേ​ഷ​നി​ല്‍ ഏ​ഴു കേ​സു​ക​ള്‍ നി​ല​വി​ലു​ണ്ട്. അ​തി​നു​ശേ​ഷം ജോ​ലി ചെ​യ്തി​രു​ന്ന മ​റ്റൊ​രു സ്ഥാ​പ​ന​ത്തി​ലും ഇ​വ​ര്‍ ത​ട്ടി​പ്പ് ന​ട​ത്തി മു​ങ്ങി.

മു​ക്കു​പ​ണ്ട​ങ്ങ​ള്‍ എ​ത്തി​ച്ചി​രു​ന്ന​ത് വി​മാ​ന മാ​ര്‍​ഗം

ചെ​ന്നൈ​യി​ലെ വി​വി​ധ ജ്വ​ല്ല​റി​ക​ളി​ല്‍​നി​ന്നും സ്വ​ര്‍​ണം പൂ​ശി​യ ചെ​മ്പ് വ​ള​ക​ള്‍ വി​മാ​ന മാ​ര്‍​ഗ​വും ബ​സ് മാ​ര്‍​ഗ​വും ആ​യി​രു​ന്നു ഇ​വ​ര്‍ കൊ​ച്ചി​യി​ല്‍ എ​ത്തി​ച്ചി​രു​ന്ന​ത്. പ​ത്ത് ഗ്രാം ​ആ​ഭ​ര​ണ​ത്തി​ല്‍ ര​ണ്ടു ഗ്രാം ​മാ​ത്ര​മാ​യി​രു​ന്നു സ്വ​ര്‍​ണം ഉ​ണ്ടാ​യി​രു​ന്നു​ള്ളൂ. ബാ​ക്കി ചെ​മ്പി​ലാ​യി​രു​ന്നു ആ​ഭ​ര​ണ​ത്തി​ന്‍റെ നി​ര്‍​മി​തി.

എ​ന്നാ​ല്‍ ഇ​ത് മു​ക്കു​പ​ണ്ടം ആ​ണെ​ന്ന് തി​രി​ച്ച​റി​യാ​ന്‍ പ്ര​യാ​സ​മാ​യി​രു​ന്നു​വെ​ന്നു പോ​ലീ​സ് പ​റ​യു​ന്നു. കെ​എ​സ്എ​ഫ്ഇ​യി​ല്‍ ഇ​ത് ഒ​ര്‍​ജി​ന​ല്‍ സ്വ​ര്‍​ണ​മാ​ണെ​ന്ന് വി​ശ്വ​സി​പ്പി​ച്ചാ​ണ് പ​ണ​യ​പ്പെ​ടു​ത്തി​യി​രു​ന്ന​ത്. പി​ടി​യി​ലാ​യ ജ​യ് ഗ​ണേ​ഷ് ജി​ല്ല​യി​ലെ വി​വി​ധ സ്ഥാ​പ​ന​ങ്ങ​ളി​ല്‍ സ്വ​ര്‍​ണ​ത്തി​ന്‍റെ ഗു​ണ​നി​ല​വാ​രം പ​രി​ശോ​ധി​ക്കു​ന്ന ആ​ളാ​ണ്. സാ​മ്പ​ത്തി​ക പ്ര​തി​സ​ന്ധി​യു​ടെ പേ​രു പ​റ​ഞ്ഞ് പ​രി​ച​യ​ത്തി​ലാ​യ ഇ​യാ​ളു​മാ​യി ചേ​ര്‍​ന്ന് രേ​ഖ ത​ട്ടി​പ്പ് ന​ട​ത്തു​ക​യാ​യി​രു​ന്നു.

കൂ​ടു​ത​ല്‍ മു​ക്കു​പ​ണ്ട​ങ്ങ​ള്‍ ഉ​ണ്ടോ​യെ​ന്ന് പ​രി​ശോ​ധ​ന

ചേ​രാ​നെ​ല്ലൂ​ര്‍ കെ​എ​സ്എ​ഫ്ഇ ബ്രാ​ഞ്ചി​ല്‍ മു​ക്കു​പ​ണ്ടം പ​ണ​യം വ​ച്ച് നി​ര​വ​ധി ത​വ​ണ​ക​ളാ​യി ഇ​വ​ര്‍ കൈ​ക്ക​ലാ​ക്കി​യ​ത് 32 ല​ക്ഷ​ത്തോ​ളം രൂ​പ​യാ​യി​രു​ന്നു. സ്ഥി​ര​മാ​യി ഈ ​യു​വ​തി സ്വ​ര്‍​ണം പ​ണ​യം വ​ച്ച് പ​ണ​മെ​ടു​ക്കു​ന്ന​തി​ല്‍ സം​ശ​യം തോ​ന്നി​യ കെ​എ​സ്എ​ഫ് ഇ ​അ​ധി​കൃ​ത​ര്‍ സ്വ​ര്‍​ണം ഉ​ര​ച്ച് പ​രി​ശോ​ധി​ച്ച​പ്പോ​ഴാ​ണ് ഉ​ള്ളി​ല്‍ ചെ​മ്പാ​ണെ​ന്ന് തെ​ളി​ഞ്ഞ​ത്. തു​ട​ര്‍​ന്ന് പോ​ലീ​സി​ല്‍ വി​വ​ര​മ​റി​യി​ക്കു​ക​യാ​യി​രു​ന്നു.

ഒ​രു മാ​സ​ത്തി​നി​ടെ ആ​റു പ്രാ​വ​ശ്യ​മാ​ണ് ഇ​വ​ര്‍ ആ​ഭ​ര​ണ​ങ്ങ​ള്‍ പ​ണ​യം വ​യ്ക്കാ​നെ​ത്തി​യ​ത്. വ​ള​ക​ളാ​യി​രു​ന്നു കൊ​ണ്ടു​വ​ന്ന​ത്. ബ്രാ​ഞ്ചി​ല്‍ ബാ​ക്കി​യു​ള്ള ആ​ഭ​ര​ണ​ങ്ങ​ള്‍ ഇ​ന്ന് പോ​ലീ​സ് പ​രി​ശോ​ധി​ക്കും. പ്ര​തി​ക​ളെ കൂ​ടു​ത​ല്‍ ചോ​ദ്യം ചെ​യ്യു​ന്ന​തി​നാ​യി അ​ടു​ത്ത ദി​വ​സം ക​സ്റ്റ​ഡി​യി​ല്‍ വാ​ങ്ങും. ചോ​ദ്യം ചെ​യ്യ​ലി​ല്‍ സ​മാ​ന​രീ​തി​യി​ല്‍ ത​ട്ടി​പ്പ് ന​ട​ത്തി​യ​താ​യി ക​ണ്ടെ​ത്തി​യി​ട്ടി​ല്ലെ​ന്നു പോ​ലീ​സ് പ​റ​ഞ്ഞു. സം​ഭ​വ​ത്തി​ല്‍ കൂ​ടു​ത​ല്‍ പ്ര​തി​ക​ള്‍ ഉ​ള്‍​പ്പെ​ട്ടി​ട്ടു​ണ്ടോ​യെ​ന്ന്‌ പോ​ലീ​സ് പ​രി​ശോ​ധി​ച്ച് വ​രു​ക​യാ​ണ്.