ചാരുമൂട്: ഭർത്താവുമായി പിരിഞ്ഞുകഴിയുന്ന മുപ്പത്തെട്ടുകാരിയെ പീഡിപ്പിച്ച കേസിലെ പ്രതിയെ നൂറനാട് പോലീസ് അറസ്റ്റ് ചെയ്തു. ആദിക്കാട്ടുകുളങ്ങര ചാമവിളയിൽ ഷൈജു(41)വിനെയാണ് സിഐ എസ്. ശ്രീകുമാറിന്‍റെ നേതൃത്വത്തിൽ പിടികൂടിയത്.
നൂറനാട് സ്വദേശിയായ പരാതിക്കാരിയെ പ്രതി 2017ൽ ക്ഷേത്രത്തിൽവച്ച് താലികെട്ടിയ ശേഷം പലതവണ ലോഡ്ജിൽ കൊണ്ടുപോയി പീഡിപ്പിച്ചതാ യും കഴിഞ്ഞ ഡിസംബർ 31ന് ലോഡ്ജിലെത്തിച്ച് മദ്യം നൽകി പീഡിപ്പിച്ച ശേഷം നഗ്ന വീഡിയോ എടുത്തതായും പോലീസ് പറഞ്ഞു.
ഇപ്പോൾ പ്രതി വിളിക്കുമ്പോൾ ഇവർ ഫോൺ എടുക്കാത്തതിനാൽ നഗ്ന വീഡിയോകൾ വീട്ടുകാർക്ക് അയച്ചു കൊടുക്കുമെന്ന് ഭീഷണിപ്പെടുത്തിയിരുന്നു. യുവതിയുടെ പരാതിയിലാണ് പ്രതിയെ അറസ്റ്റ് ചെയ്തത്.
