പ​ഠ​നം പൂ​ർ​ത്തി​യാ​യി, തോ​റ്റ​ത് എ​ന്തു​കൊ​ണ്ടെ​ന്ന് ക​ണ്ടെ​ത്തി; മു​ര​ളി​യു​ടെ​യും ര​മ്യ​യു​ടെ​യും തോ​ൽ​വി​യു​ടെ അ​ന്വേ​ഷ​ണ റി​പ്പോ​ർ​ട്ട് ത​യാ​ർ

തൃ​ശൂ​ർ: തൃ​ശൂ​രി​ൽ കെ.​മു​ര​ളീ​ധ​ര​നും ആ​ല​ത്തൂ​രി​ൽ ര​മ്യ ഹ​രി​ദാ​സും തോ​റ്റ​ത് എ​ന്തു​കൊ​ണ്ടെ​ന്ന അ​ന്വേ​ഷ​ണ റി​പ്പോ​ർ​ട്ട് ത​യാ​റാ​യി. അ​ടു​ത്ത ദി​വ​സം ത​ന്നെ റി​പ്പോ​ർ​ട്ട് കെ​പി​സി​സി നേ​തൃ​ത്വ​ത്തി​നു കൈ​മാ​റും. ഇ​ക്ക​ഴി​ഞ്ഞ ലോ​ക്സ​ഭ തെ​ര​ഞ്ഞെ​ടു​പ്പി​ൽ കേ​ര​ള​മൊ​ട്ടാ​കെ യു​ഡി​എ​ഫ് ത​രം​ഗം അ​ല​യ​ടി​ച്ച​പ്പോ​ൾ തൃ​ശൂ​രി​ലും ആ​ല​ത്തൂ​രി​ലും സം​ഭ​വി​ച്ച തി​രി​ച്ച​ടി യു​ഡി​എ​ഫി​ന് പ്ര​ത്യേ​കി​ച്ച് കോ​ണ്‍​ഗ്ര​സി​ന് ക​ന​ത്ത ആ​ഘാ​ത​മാ​യി​രു​ന്നു.

വ​ട​ക​ര​യി​ൽനി​ന്ന് മു​ര​ളി​യെ തൃ​ശൂ​രി​ലേ​ക്കു കൊ​ണ്ടു​വ​ന്നു മ​ത്സ​രി​പ്പി​ച്ച് പ​രാ​ജ​യ​പ്പെ​ടു​ത്തി​യ​തി​ന്‍റെ നാ​ണ​ക്കേ​ട് കോ​ണ്‍​ഗ്ര​സി​നെ അ​പ​ഹാ​സ്യ​രാ​ക്കി​യി​രു​ന്നു. മു​ര​ളി​യെ പോ​ലെ ശ​ക്ത​നാ​യ ഒ​രു നേ​താ​വി​നെ തോ​ൽ​വി​യി​ലേ​ക്കു വ​ലി​ച്ചി​ഴ​ച്ച​ത് ഏ​റെ വി​വാ​ദ​ങ്ങ​ൾ​ക്കും വ​ഴി​യൊ​രു​ക്കി​യി​രു​ന്നു.

സം​ഘ​ട​ന പ്ര​ശ്ന​ങ്ങ​ളാ​ണ് തൃ​ശൂ​രി​ലെയും ആ​ല​ത്തൂ​രി​ൽ ര​മ്യ ഹ​രി​ദാ​സി​ന്‍റെ​യും തോ​ൽ​വി​ക്കു കാ​ര​ണ​മെ​ന്നാ​ണ് ക​മ്മീ​ഷ​ൻ സ​മ​ർ​പ്പി​ക്കാ​നി​രി​ക്കു​ന്ന റി​പ്പോ​ർ​ട്ടി​ലു​ള്ള​തെ​ന്ന് സൂ​ച​ന​ക​ളു​ണ്ട്.തോ​ൽ​വി​യു​ടെ കാ​ര്യ​കാ​ര​ണ​ങ്ങ​ൾ പ​രി​ശോ​ധി​ക്കാ​ൻ മു​ൻ മ​ന്ത്രി കെ.​സി. ജോ​സ​ഫ്, ഐ​എ​ൻ​ടി​യു​സി സം​സ്ഥാ​ന പ്ര​സി​ഡ​ന്‍റ് കെ.​ച​ന്ദ്ര​ശേ​ഖ​ര​ൻ, ടി.​സി​ദ്ദി​ഖ് എം​എ​ൽ​എ എ​ന്നി​വ​ര​ട​ങ്ങു​ന്ന സ​മി​തി അ​ന്വേ​ഷ​ണം ന​ട​ത്തി​യി​രു​ന്നു.

തൃ​ശൂ​ർ ഡി​സി​സി ഓ​ഫീ​സി​ൽ സ​മി​തി അ​ന്വേ​ഷ​ണ​ത്തി​നെ​ത്തു​ക​യും മൊ​ഴി​യെ​ടു​ക്കു​ക​യും ചെ​യ്തി​രു​ന്നു.​ മു​ര​ളി​പ​ക്ഷ​ക്കാ​ർ തെ​ളി​വെ​ടു​പ്പി​ൽനി​ന്നും മൊ​ഴി​യെ​ടു​പ്പി​ൽനി​ന്നും വി​ട്ടു​നി​ന്നി​രു​ന്നു.

തൃ​ശൂ​രി​ൽ മു​ര​ളി​യു​ടെ തോ​ൽ​വി​യെത്തു​ട​ർ​ന്ന് ജി​ല്ല കോ​ണ്‍​ഗ്ര​സ് നേ​തൃ​ത്വ​ത്തി​ൽ ആ​കെ അ​ഴി​ച്ചു​പ​ണി ന​ട​ന്നി​രു​ന്നു. ഡി​സി​സി പ്ര​സി​ഡ​ന്‍റാ​യി​രു​ന്ന ജോ​സ് വ​ള്ളൂ​ർ, യു​ഡി​എ​ഫ് ചെ​യ​ർ​മാ​ൻ എം.​പി.​ വി​ൻ​സെ​ന്‍റ് എ​ന്നി​വ​ർ രാ​ജിവ​യ്ക്കു​ക​യും മു​ര​ളി പ​ക്ഷ​ക്കാ​ർ ഡി​സി​സി ഓ​ഫീ​സി​ലെ​ത്തി​യ​പ്പോ​ൾ സം​ഘ​ർ​ഷ​മു​ണ്ടാ​വു​ക​യും ദി​വ​സ​ങ്ങ​ളോ​ളം ഡി​സി​സി​ക്കെ​തി​രേ തൃ​ശൂ​രി​ൽ പോ​സ്റ്റ​ർ പ്ര​ച​ര​ണ​മു​ണ്ടാ​വു​ക​യും മു​ര​ളി​പ​ക്ഷ​ക്കാ​രു​ടെ വീ​ടി​നു നേ​രേ ആ​ക്ര​മ​ണം ന​ട​ക്കു​ക​യു​മൊ​ക്കെ​യു​ണ്ടാ​യി.ഇ​നി അ​ന്വേ​ഷ​ണ​ക​മ്മീ​ഷ​ൻ അ​ന്തി​മ റി​പ്പോ​ർ​ട്ട് കെ​പി​സി​സി​ക്കു കൈ​മാ​റു​ന്പോ​ൾ എ​ന്തെ​ങ്കി​ലും ന​ട​പ​ടി ഉ​ണ്ടാ​കു​മോ എ​ന്നാ​ണ് ഏ​വ​രും ഉ​റ്റു​നോ​ക്കു​ന്ന​ത്.

പ്ര​ച​ര​ണ​ത്തി​ൽ ര​ണ്ടി​ട​ത്തു ഗു​രു​ത​ര വീ​ഴ്ച സം​ഭ​വി​ച്ചെ​ന്ന് റി​പ്പോ​ർ​ട്ടി​ൽ പ​രാ​മ​ർ​ശ​മു​ണ്ടെ​ന്നാ​ണ് സൂ​ച​ന. ഇ​തി​ന് ജി​ല്ല നേ​തൃ​ത്വം ഉ​ത്ത​രം പ​റ​യേ​ണ്ടി വ​രു​മെ​ന്ന​തി​നാ​ൽ കൂ​ടു​ത​ൽ ന​ട​പ​ടി​ക​ൾ​ക്കു സാ​ധ്യ​ത​യു​ണ്ട്. ഇ​തു​വ​രെ യാ​തൊ​രു ന​ട​പ​ടി​യി​ലും പെ​ടാ​തെ നി​ൽ​ക്കു​ന്ന നേ​താ​ക്ക​ൾ​ക്കെ​തി​രേ​യാ​ണു ന​ട​പ​ടി​ക്കു സാ​ധ്യ​ത​യെ​ന്നാ​ണ് സൂ​ച​ന.ത​ദ്ദേ​ശ തെ​ര​ഞ്ഞെ​ടു​പ്പ് വ​രാ​നി​രി​ക്കെ ക​ടു​ത്ത ന​ട​പ​ടി​ക​ളി​ലേ​ക്കു ക​ട​ക്കാ​തെ കാ​ര്യ​ങ്ങ​ൾ ര​മ്യ​മാ​യി പ​രി​ഹ​രി​ക്കാ​നും നീ​ക്ക​മു​ണ്ട്.