ഒരു പ്ലേറ്റ് നിറയെ ഭക്ഷണത്തിന്‍റെ ഫോട്ടോ പോസ്റ്റ് ചെയ്യുകയും അതിനെ “പ്രോട്ടീൻ-ഫുൾ ഡയറ്റ്” എന്ന് വിശേഷിപ്പിക്കുകയും ചെയ്തതിന് ഒരു എക്സ് ഉപയോക്താവ് വിമർശനങ്ങൾ നേരിടുകയാണ്.
എക്സ് ബയോ അനുസരിച്ച് ഡോക്ടർ ശീതൾ യാദവ് ഒരു പ്ലേറ്റിൻ്റെ ചിത്രം പങ്കിട്ടു. ഇതിൽ തൊലികളഞ്ഞ വാഴപ്പഴം, രണ്ട് ആപ്പിൾ, രണ്ട് ഈന്തപ്പഴം, രണ്ട് കഷണം വാൽനട്ട്, നാല് ബദാം എന്നിവ വച്ച് “പ്രോട്ടീൻ ഫുൾ ഡയറ്റ്,” എന്ന അടിക്കുറിപ്പോടെ പോസ്റ്റ് ചെയ്തു.
പോസ്റ്റ് വളരെവേഗം തന്നെ സോഷ്യൽ മീഡിയ ഉപയോക്താക്കളുടെ ശ്രദ്ധ പിടിച്ചുപറ്റി. പോഷകാഹാര, ഫിറ്റ്നസ് ഓൺലൈൻ കമ്മ്യൂണിറ്റിയുടെ കണ്ണുകളെപ്പോലും ഇത് പിടികൂടി.
സ്വീഡിഷ് ഡോക്ടർ ആൻഡ്രിയാസ് ഈൻഫെൽഡ് പോഷകാഹാര ആപ്പിലെ കണക്കുകൂട്ടലുകൾ പ്രകാരം ഈ പ്ലേറ്റിലെ ഭക്ഷണത്തിൽ പ്രോട്ടീന്‍റെ അളവ് കുറവാണെന്ന് പറഞ്ഞു. “@JoinHava ഫോട്ടോ ട്രാക്കിംഗ് അനുസരിച്ച് ഇത് വെറും 13 ഗ്രാം പ്രോട്ടീനും ഒരു ടൺ കാർബോഹൈഡ്രേറ്റും കൊഴുപ്പും മാത്രമാണ്. ഇത് വളരെ കുറഞ്ഞ പ്രോട്ടീൻ ഭക്ഷണമാണെന്നും (8% കലോറി) അദ്ദേഹം എഴുതി.
മറ്റൊരു ഉപയോക്താവ് ഈ പ്ലേറ്റിൽ പ്രോട്ടീൻ കുറവാണ്. മുളകളിൽ നിന്നുള്ള ഏതാനും ഗ്രാം പ്രോട്ടീൻ ഒഴികെ, അതിൽ പ്രോട്ടീൻ ഇല്ല. സസ്യാഹാരികൾ ഉയർന്ന പ്രോട്ടീൻ ലഭിക്കാൻ പനീർ, ഗ്രീക്ക് തൈര് തുടങ്ങിയ പാലുൽപ്പന്നങ്ങൾ ഉൾപ്പെടുത്തണം എന്നും എഴുതി.
ഈ പ്ലേറ്റിൽ ഏകദേശം 15.3 ഗ്രാം പ്രോട്ടീൻ ഉണ്ടാകും (വാഴപ്പഴം: 1.5 ഗ്രാം, ബദാം: 0.8 ഗ്രാം, വാൽനട്ട്: 0.8 ഗ്രാം, 1/4 ആപ്പിൾ <0.1 ഗ്രാം , മൂംഗ് മുളകൾ (50 ഗ്രാം): 12 ഗ്രാം, ഈന്തപ്പഴം: 0.5 ഗ്രാം), അതായത് പ്രോട്ടീനിൽ നിന്ന് ഏകദേശം 15% കലോറി, ഇത് ഉയർന്ന പ്രോട്ടീൻ ആയി കണക്കാക്കില്ല എന്നും പോസ്റ്റിന് ലഭിച്ച ഒരു കുറിപ്പിൽ പറയുന്നു. 4 ദശലക്ഷത്തിലധികം വ്യൂസും 1,300-ലധികം ലൈക്കുകളുമാണ് പോസ്റ്റിന് ലഭിച്ചത്.
