കിടിലൻ ഫാഷന്‍റെ കാര്യത്തിൽ ബോളിവുഡ് താരം രൺവീർ സിംഗിനെ മറികടക്കാൻ ആർക്കും കഴിയില്ല. ലെഹംഗയോട് സാമ്യമുള്ള വസ്ത്രങ്ങൾ അദ്ദേഹം പലപ്പോഴും ധരിക്കാറുണ്ട്. ആത്മവിശ്വാസത്തോടെ പുതിയ ഫാഷനുകളും ഇടയ്ക്കിടെ താരം പരീക്ഷിക്കുന്നു.
എന്നാൽ ഇപ്പോൾ സോഷ്യൽ മീഡിയയിൽ പ്രത്യക്ഷപ്പെട്ട ഒരു റീലിൽ വ്യത്യസ്തമായൊരു വസ്ത്രധാരണത്തിലെത്തിയ യുവാവിനെ കാണാവുന്നതാണ്. ഒരു റെയിൽവേ സ്‌റ്റേഷനിൽവച്ച് റീൽ ഷൂട്ട് ചെയ്തതെന്നാണ് റിപ്പോർട്ട്.
അതുവഴി കടന്നു പോയവർ ആ മനുഷ്യന്‍റെ വസ്ത്രധാരണം നോക്കി ചിരിക്കുന്നുണ്ട്. ഈ വീഡിയോയിൽ കാണുന്ന ആളുടെ പേര് രാഹുൽ സാഹ എന്നാണ്. പശ്ചിമ ബംഗാളിലെ നാദിയ ജില്ലയിലെ ബേതുഅദാഹാരി സ്വദേശിയാണ്.
സോഷ്യൽ മീഡിയ പ്ലാറ്റ്‌ഫോമുകളിൽ പ്രത്യക്ഷപ്പെടുന്ന രസകരമായ വീഡിയോകൾ പോസ്റ്റുചെയ്യുന്നതിന് അദ്ദേഹം അറിയപ്പെടുന്നു. ചുവപ്പ് നിറത്തിലുള്ള ലെഹംഗ ധരിച്ച് ബേതുദാഹാരി റെയിൽവേ സ്റ്റേഷനിൽ എത്തുന്ന രാഹുലിനെ ഈ വീഡിയോയിൽ കാണാം. ദുപ്പട്ടയ്ക്ക് പകരം തലയിൽ ഹെൽമറ്റ് അയാൾ ധരിച്ചിട്ടുണ്ട്.
ഇയാൾ വീഡിയോ ചിത്രീകരിക്കുന്നതിനിടയിൽ ഒരു പ്രായമായ സ്ത്രീയും ഒരു പെൺകുട്ടിയും നടന്നു വരികയായിരുന്നു. രാഹുലിന്‍റെ നൃത്തം കണ്ട് അവർ പെട്ടെന്ന് തന്നെ വഴി മാറി. അപ്പോൾ രാഹുൽ തന്‍റെ നൃത്തം അവസാനിപ്പിച്ച് വൃദ്ധയുടെ അടുത്തേക്ക് ഓടി.
വൃദ്ധ പോയതിനുശേഷം രാഹുൽ ഒരു മനുഷ്യനെ എടുത്ത് താളത്തിൽ നൃത്തം ചെയ്യാൻ തുടങ്ങുന്നു. രാഹുലിന്‍റെ ഇത്തരത്തിലുള്ള നൃത്തം കണ്ട് മറ്റ് പലരും ചിരിക്കുന്നതും വീഡിയോയിൽ കാണാം.
ഇൻസ്റ്റാഗ്രാമിൽ പോസ്റ്റ് ചെയ്തതിന് തൊട്ടുപിന്നാലെ 60 ലക്ഷത്തിലധികം വ്യൂസ് നേടി വീഡിയോ വൈറലായി. ഒരു ലക്ഷത്തിലധികം പേരാണ് പോസ്റ്റ് ലൈക്ക് ചെയ്തത്. നിരവധി ഉപയോക്താക്കൾ വീഡിയോയ്ക്ക് കമന്‍റുമായും എത്തി.
