ഹ​ലോ പോ​ലീ​സ് സ്റ്റേ​ഷ​ന​ല്ലേ… പി​ന്നെ കേ​ട്ടാ​ൽ അ​റ​യ്ക്കു​ന്ന തെ​റി​വി​ളി​യോ​ട് തെ​റി​വി​ളി; പ്ര​തി​യെ പി​ടി​കൂ​ടാ​നെ​ത്തി​യ പോ​ലീ​സു​കാ​ർ​ക്ക് നേ​രെ പെ​പ്പ​ർ​സ്പ്രേ പ്ര​യോ​ഗം; ചെ​ങ്ങ​ന്നൂ​രി​ലെ സം​ഭ​വം ഇ​ങ്ങ​നെ…

ആ​ല​പ്പു​ഴ: അ​ന്വേ​ഷ​ണ​ത്തി​നെത്തി​യ പോ​ലീ​സ് ഉ​ദ്യോ​ഗ​സ്ഥ​ർ​ക്കുനേ​രെ യു​വാ​വി​ന്‍റെ പെ​പ്പ​ർ സ്പ്രേ ​പ്ര​യോ​ഗം. ചെ​ങ്ങ​ന്നൂ​രി​നു സ​മീ​പം വെ​ൺ​മ​ണി​യി​ലാ​ണു സം​ഭ​വം.

സ്റ്റേ​ഷ​നി​ലെ ഫോ​ണി​ൽ സ്ഥി​ര​മാ​യി വി​ളി​ച്ച് അ​സ​ഭ്യം പ​റ​യു​ക​യും എ​സ്എ​ച്ച്ഒ​യു​ടെ ഔ​ദ്യോ​ഗി​ക ഫോ​ണി​ൽ വി​ളി​ച്ചു വ​ധ​ഭീ​ഷ​ണി​മു​ഴ​ക്കു​ക​യും ചെ​യ്ത യു​വാ​വി​നെ​ക്കു​റി​ച്ച് അ​ന്വേ​ഷി​ക്കാ​നാ​ണു വെ​ൺ​മ​ണി പോ​ലീ​സ് സ്റ്റേ​ഷ​നി​ൽനി​ന്നു​ള്ള സം​ഘം എ​ത്തി​യ​ത്.

പ്രാ​ഥ​മി​ക അ​ന്വേ​ഷ​ണ​ത്തി​ൽ പു​ന്ത​ല മേ​ലാ​പ​റ​മ്പി​ൽ വി​നീ​ഷ് മോ​ഹ​നാ​ണ് പ്ര​തി​യെ​ന്നു പോ​ലീ​സി​നു വി​വ​രം കി​ട്ടി​യി​രു​ന്നു. എ​ന്നാ​ൽ, വീ​ട്ടി​ലെ​ത്തി​യ പോ​ലീ​സു​കാ​ർ​ക്കുനേരേ അ​പ്ര​തീ​ക്ഷി​ത​മാ​യി യു​വാ​വ് പെ​പ്പ​ർ സ്പ്രേ ​പ്ര​യോ​ഗി​ക്കു​ക​യാ​യി​രു​ന്നു.

എ​സ്എ​ച്ച്ഒ എം.​സി. അ​ഭി​ലാ​ഷ്, സി​പി​ഒ ശ്യാം ​എ​ന്നി​വ​ർ​ക്കു നേ​രെ​യാ​യി​രു​ന്നു പെ​പ്പ​ർ സ്പ്രേ ​ആ​ക്ര​മ​ണം. തു​ട​ർ​ന്നു മ​റ്റു പോ​ലീ​സു​കാ​ർ ചേ​ർ​ന്നു വി​നീ​ഷി​നെ കീ​ഴ്പ്പെടു​ത്തി.

ഇ​യാ​ളെ പോ​ലീ​സ് ക​സ്റ്റ​ഡി​യി​ൽ​എ​ടു​ത്തി​ട്ടു​ണ്ട്. യു​വാ​വി​ന് ഏ​തെ​ങ്കി​ലും ത​ര​ത്തി​ൽ മാ​ന​സി​കാ​സ്വാ​സ്ഥ്യം ഉ​ണ്ടോ​യെ​ന്നും പോ​ലീ​സ് പ​രി​ശോ​ധി​ക്കു​ക​യാ​ണ്. ഔ​ദ്യോ​ഗി​ക കൃ​ത്യനി​ർ​വ​ഹ​ണ​ത്തി​നു ത​ട​സം സൃ​ഷ്ടി​ക്കു​ക, പോ​ലീ​സു​കാ​രെ അ​ക്ര​മി​ക്കു​ക തു​ട​ങ്ങി​യ വ​കു​പ്പു​ക​ൾ പ്ര​കാ​ര​മാ​ണ് കേ​സെ​ടു​ത്തി​രി​ക്കു​ന്ന​ത്.