വൈറലാവാൻ എന്തും ചെയ്യാൻ തയാറായാണ് ചില സോഷ്യൽ മീഡിയ ഉപയോക്താക്കൾ. റീൽസ് ചിത്രീകരണത്തിനിടെ ഉണ്ടാകുന്ന അപകടവും അവർ വ്യൂസിന് വേണ്ടി പങ്കുവയ്ക്കാറുണ്ട്.
ഇത്തരത്തിൽ റോഡരികില്‍ റീല്‍സ് ഷൂട്ടിനിടെ തെന്നിവീഴുന്ന യുവതിയുടെ വിഡിയോയാണ് ഇപ്പോള്‍ സോഷ്യല്‍മീഡിയയില്‍ ശ്രദ്ധേയമാകുന്നത്.
ചുവന്ന നിറത്തിലുള്ള സാരി ധരിച്ച് യുവതി റോഡരികില്‍ റീല്‍ ഷൂട്ട് ചെയ്യുന്നത് വിഡിയോയില്‍ കാണാം. ബാഡ് ന്യൂസ് എന്ന സിനിമയിലെ തൗബ-തൗബ എന്ന ഗാനത്തിനാണ് യുവതി നൃത്തം ചെയ്യുന്നത്.
ഇതിനിടയില്‍ റോഡില്‍ തെന്നി വീ‌ണെങ്കിലും അത് കൂട്ടാക്കാതെ എഴുന്നേറ്റുവന്ന് നൃത്തം തുടര്‍ന്നു. യുവതി തന്നെയാണ് വിഡിയോ തന്‍റെ ഇന്‍സ്റ്റഗ്രാമിലൂടെ പങ്കുവച്ചത്. ഇതിനകം നാല് ലക്ഷത്തിലേറെപേര്‍ വിഡിയോ കണ്ടുകഴിഞ്ഞു.
യുവതി വീണ് കുറച്ച് സമയത്തിനകം ഒരു ബസും റോഡിലൂടെ കടന്നുപോകുന്നത് വീഡിയോയിൽ കാണാം. അതേസമയം, റീല്‍സ് ചെയ്യുമ്പോള്‍ സൂക്ഷിക്കണമെന്നും സ്വന്തം ജീവനാണ് ഏറ്റവും പ്രധാനപ്പെട്ടതെന്നും ഓര്‍മിപ്പിക്കുയാണ് കമന്‍റ് ബോക്സ്.
വീഡിയോ കാണാൻ ഇവിടെ ക്ലിക്ക് ചെയ്യുക
