ഹേ​മ ക​മ്മ​റ്റി റി​പ്പോ​ർ​ട്ടി​നെ അ​മ്മ സ്വാ​ഗ​തം ചെ​യ്യു​ന്നു: നാ​ൽ​പ​ത് വ​ർ​ഷ​മാ​യി സി​നി​മാ രം​ഗ​ത്ത് സ​ജീ​വ​മാ​ണ്, പ​വ​ർ ഗ്രൂ​പ്പ് ഉ​ള്ള​താ​യി തോ​ന്നി​യി​ട്ടി​ല്ല; സി​ദ്ധി​ഖ്

കൊ​ച്ചി: ഹേ​മ ക​മ്മി​റ്റി റി​പ്പോ​ർ​ട്ടി​ൽ നി​ല​പാ​ട് വ്യ​ക്ത​മാ​ക്കി താ​ര സം​ഘ​ട​ന അ​മ്മ. ഹേ​മ ക​മ്മ​റ്റി റി​പ്പോ​ർ​ട്ടി​നൊ​പ്പ​മാ​ണ് അ​മ്മ സം​ഘ​ട​ന. തെ​റ്റു ചെ​യ്ത​വ​ർ​ക്കെ​തി​രേ ക​ർ​ശ​ന ന​ട​പ​ടി സ്വീ​ക​രി​ക്ക​ണ​മെ​ന്ന നി​ല​പാ​ട് ത​ന്നെ​യാ​ണ് സം​ഘ​ട​ന​യ്ക്കു​മു​ള്ള​തെ​ന്ന് അ​മ്മ ജ​ന​റ​ൽ സെ​ക്ര​ട്ട​റി സി​ദ്ദി​ഖ് വ്യ​ക്ത​മാ​ക്കി.

ഹേ​മ ക​മ്മി​റ്റി റി​പ്പോ​ർ​ട്ട് അ​മ്മ​യ്ക്കെ​തി​രെ​യു​ള്ള ഒ​ന്ന​ല്ല. ഞ​ങ്ങ​ളു​ടെ അം​ഗ​ങ്ങ​ൾ തൊ​ഴി​ലെ​ടു​ത്ത് സു​ര​ക്ഷി​ത​മാ​യി​രി​ക്ക​ണ​മെ​ന്ന​ത് ഞ​ങ്ങ​ളു​ടെ കൂ​ടെ ആ​വ​ശ്യ​മാ​ണ്. മാ​ധ്യ​മ​ങ്ങ​ൾ അ​മ്മ​യെ പ്ര​തി​സ്ഥാ​ന​ത്ത് നി​ർ​ത്തു​ന്ന​ത് സ​ങ്ക​ട​ക​ര​മാ​ണ്.

നാ​ൽ​പ​ത് വ​ർ​ഷ​മാ​യി സി​നി​മാ രം​ഗ​ത്ത് താ​ൻ സ​ജീ​വ​മാ​ണ്. സി​നി​മാ രം​ഗ​ത്ത് പ​വ​ർ ഗ്രൂ​പ്പ് ഉ​ള്ള​താ​യി തോ​ന്നി​യി​ട്ടി​ല്ല​ന്ന് സി​ദ്ധി​ഖ് പ​റ​ഞ്ഞു.​എ​ല്ലാ സം​ഘ​ട​ന​ക​ളി​ൽ​നി​ന്നും 2 പേ​രെ വീ​തം ഉ​ൾ​ക്കൊ​ള്ളി​ച്ചു​കൊ​ണ്ട് ഒ​രു ഹൈ​പ​വ​ർ ക​മ്മി​റ്റി രൂ​പീ​ക​രി​ച്ചി​രു​ന്നു. ഇ​തേ​ക്കു​റി​ച്ചാ​ണോ പ​വ​ർ ഗ്രൂ​പ്പ് എ​ന്ന് ഉ​ദ്ദേ​ശി​ക്കു​ന്ന​തെ​ന്നും അ​റി​യി​ല്ല.

ഒ​രു പ​വ​ർ ഗ്രൂ​പ്പ് വി​ചാ​രി​ച്ചാ​ലും സി​നി​മ​യെ നി​യ​ന്ത്രി​ക്കു​ന്ന​തി​ന് സാ​ധി​ക്കി​ല്ല. പ്രേ​ക്ഷ​ക​രു​ടെ തീ​രു​മാ​ന​മാ​ണ് സി​നി​മ വി​ജ​യി​ക്ക​ണോ വേ​ണ്ട​യോ എ​ന്ന് തീ​രു​മാ​നി​ക്കു​ന്ന​ത്. അ​ല്ലാ​തെ ഇ​പ്പോ​ൾ ഉ​ന്ന​യി​ക്കു​ന്ന​തു​പോ​ലെ ഒ​രു പ​വ​ർ ഗ്രൂ​പ്പ് വി​ചാ​രി​ച്ചാ​ലും സി​നി​മ​യെ ത​ക​ർ​ക്കാ​ൻ സാ​ധി​ക്കി​ല്ല.