ജഗതി തിരുവാതിര പ്രോഡക്ഷൻസിന്‍റെ ബാനറിൽ സുശീലകുമാരി കെ. ജഗതി നിർമിച്ച് രചനയും ഗാനരചനയും സംവിധാനവും നിർവഹിച്ച ഭക്തിസാന്ദ്രവും ലഹരിക്കെതിരെ ബോധവത്കരണവും നൽകുന്ന ഹ്രസ്വചിത്രമാണ് ശ്രീപത്മനാഭ സ്വാതി സംഗമം.
സ്ത്രീകൾക്കും കുട്ടികൾക്കും സമൂഹത്തിൽ സ്വൈരജീവിതം നയിക്കാൻ നന്മ മാർഗം ചൂണ്ടിക്കാണിക്കുന്ന ചിത്രം കൂടിയാണിത്. മധു, കാര്യവട്ടം ശ്രീകണ്ഠൻ നായർ, ജയകൃഷ്ണൻ, നീതു സച്ചിൻ, കാർത്തിക് സച്ചിൻ, അഖിൽ എസ്. നായർ, ഗീതാ എസ്.നായർ, രേവതി (എസ്കെജെ ), ഡോ . ചാന്ദിനി, ഡോ. അനിത ഹരി, ബാലചന്ദ്രൻ, ഷീല, അനന്തൻ മൈനാഗപ്പള്ളി, സജു വൈദ്യർ, ഗോപകുമാർ, സുശീലകുമാരി, ഗോപകുമാർ, ബാബു, അനിൽ,അനിൽ എസ്. നായർ, മനോജ്, റാംസി വാരിയർ, സതീശൻ തുടങ്ങിയവരാണ് പ്രധാന താരങ്ങൾ.
ചിത്രത്തിന്‍റെ പ്രകാശന കർമം തിരുവനന്തപുരം തമ്പാനൂർ ലെനിൻ സിനിമാസിൽ ഗൗരി പാർവതി ഭായി നിർവഹിച്ചു . കവി കാര്യവട്ടം ശ്രീകണ്ഠൻ നായർ ഉൾപ്പെടെയുള്ള പ്രമുഖർ പങ്കെടുത്തു. കാമറ വേണു, എഡിറ്റിംഗ് സനൽ ന്യൂ ടിവി സ്റ്റുഡിയോ, സംഗീതം, ആലാപനം വിജയ് ചമ്പത് , ബിന്ദു രവി, അസോസിയേറ്റ് ഡയറക്ടർ അനന്തൻ മൈനാഗപ്പള്ളി, പിആർഒ റഹിം പനവൂർ. ഗ്രാഫിക്സ് മിഥുൻ കൃഷ്ണ എസ്. ആർ.സംഗീതത്തിന്റെ പശ്ചാത്തലത്തിലുള്ള ഈ ചിത്രത്തിൽ താരങ്ങളും അണിയറപ്രവർത്തകരും ഉൾപ്പെടെ എഴുപത്തിയഞ്ചോളം പേർ സഹകരിച്ചിട്ടുണ്ട്.
