പഴയങ്ങാടി: 15 വയസുകാരനായ വിദ്യാർഥിയെ പീഡിപ്പിച്ച സംഭവത്തിൽ 52 വയസുകാരനെ പഴയങ്ങാടി പോലീസ് അറസ്റ്റ് ചെയ്തു. ഏഴോം കൊട്ടില സ്വദേശിയായ അബ്ദുൾ ഖാദറിനെയാണ് (52) പഴയങ്ങാടി സ്റ്റേഷൻ ഓഫീസർ സത്യനാഥിന്‍റെ നേതൃത്വത്തിലുള്ള സംഘം അറസ്റ്റ് ചെയ്തത്.
നബിദിന ആഘോഷവുമായുള്ള പരിപാടികൾക്ക് എത്തിയ 15 കാരനെ പ്രലോഭിപ്പിച്ച് ആളൊഴിഞ്ഞ വിട്ടുപറമ്പിലേക്ക് കൂട്ടിക്കൊണ്ടുപോയി പീഡിപ്പിക്കുകയായിരുന്നു.
ഭയന്ന് നിലവിളിച്ചോടിയ കുട്ടി വീട്ടുകാരെ വിവരം അറിയിച്ചതോടെ പഴയങ്ങാടി പോലീസിൽ പരാതി നൽകി. തുടർന്ന് പോലീസ് കേസെടുത്ത് പ്രതിയെ പിടികൂടുകയായിരുന്നു.
സ്റ്റേഷനിൽ എത്തിയപ്പോൾ പ്രതിക്ക് ദേഹാസ്വാസ്ഥ്യമുണ്ടായതിനെ തുടർന്ന് കണ്ണൂർ പരിയാരം മെഡിക്കൽ കോളജിൽ പ്രവേശിപ്പിച്ചു.തുടർന്ന് പയ്യന്നൂർ മജിസ്ട്രേറ്റ് പരിയായം കണ്ണൂർ ഗവ. മെഡിക്കൽ കോളജിൽ എത്തി പ്രതിയെ റിമാൻഡ് ചെയ്തു. പ്രതി അബ്ദുർ ഖാദർ ആശുപത്രിയിൽ പോലീസ് നിരീക്ഷണത്തിലാണ്.
