കോട്ട: രാജസ്ഥാനിലെ കോട്ടയില്‍ പ്ലസ്ടു വിദ്യാര്‍ഥിനിയെ ലൈംഗികമായി പീഡിപ്പിക്കാന്‍ ശ്രമിച്ച അധ്യാപകന്‍ അറസ്റ്റില്‍. കോട്ടയിലെ ജുല്‍മി ഗ്രാമത്തിലുള്ള സര്‍ക്കാര്‍ സീനിയര്‍ സെക്കൻഡറി സ്‌കൂളിലെ അധ്യാപകനായ വേദ് പ്രകാശ് ഭൈര്‍വയാണ് അറസ്റ്റിലായത്.
അധ്യാപകന്‍ തന്നെ പലതവണ പീഡിപ്പിക്കാന്‍ ശ്രമിച്ചുവെന്ന വിദ്യാര്‍ഥിനിയുടെ പരാതിയിലാണ് കേസെടുത്തതെന്ന് പോലീസ് അറിയിച്ചു. പോക്‌സോ കോടതിയില്‍ ഹാജരാക്കിയ അധ്യാപകനെ ജൂഡീഷല്‍ കസ്റ്റഡിയില്‍ വിട്ടു. അധ്യാപകനെയും വിദ്യാര്‍ഥിനിയുടെ പരാതിയില്‍ നടപടി എടുക്കാന്‍ വൈകിയ സ്‌കൂള്‍ പ്രിന്‍സിപ്പലിനെയും സസ്‌പെന്‍ഡ് ചെയ്തു.
