കു​ടും​ബ പ്ര​ശ്ന​ങ്ങ​ളെ ചൊ​ല്ലി​യു​ള്ള ത​ർ​ക്കം; ഭാ​ര്യ​യെ വെ​ട്ടി​പ്പ​രി​ക്കേ​ൽ​പ്പി​ച്ച് ഭ​ർ​ത്താ​വ് ജീ​വ​നൊ​ടു​ക്കി

ചെ​റു​പു​ഴ: ഭാ​ര്യ​യെ വെ​ട്ടി​പ്പ​രി​ക്കേ​ൽ​പ്പി​ച്ചശേ​ഷം ഭ​ർ​ത്താ​വി​നെ ജീവനൊടുക്കിയ നി​ല​യി​ൽ ക​ണ്ടെ​ത്തി. ഇ​ന്ന് പു​ല​ർ​ച്ചെ 12.30 തോ​ടെ ചെ​റു​പു​ഴ പ​ഞ്ചാ​യ​ത്തി​ലെ പ്രാ​പ്പോ​യി​ലി​ലാ​ണ് സം​ഭ​വം.

പ്രാ​പ്പോ​യി​ൽ ടൗ​ണി​ൽ ക​ച്ച​വ​ടം ന​ട​ത്തു​ന്ന പ​നം​കു​ന്നി​ൽ ശ്രീ​ധ​രനാണ് (65) ഭാ​ര്യ​യെ വാ​ക്ക​ത്തി കൊ​ണ്ട് വെ​ട്ടി​പ്പ​രി​ക്കേ​ൽ​പ്പി​ച്ച ശേ​ഷം ജീവനൊടുക്കിയത്. ശ്രീ​ധ​ര​ൻ ഭാ​ര്യ സു​നി​ത​യെ (45) വെ​ട്ടി​യ ശേ​ഷം അ​ടു​ക്ക​ള​യി​ൽ തൂ​ങ്ങി മ​രി​ക്കു​ക​യാ​യി​രു​ന്നു​വെ​ന്നാ​ണ് പോ​ലീ​സ് പ​റ​യു​ന്ന​ത്.

ബ​ഹ​ളം കേ​ട്ട് സ​മീ​പ​വാ​സി​ക​ളും പ​ട്രോ​ളിം​ഗ് ന​ട​ത്തു​ക​യാ​യി​രു​ന്ന ചെ​റു​പു​ഴ പോ​ലീ​സും സ്ഥ​ല​ത്തെ​ത്തി പ​രി​ക്കേ​റ്റു കി​ട​ന്ന സു​നി​ത​യെ ആ​ശു​പ​ത്രി​യി​ലേ​ക്ക് കൊ​ണ്ടു​പോ​യി. ശ്രീ​ധ​ര​ന്‍റെ മൃ​ത​ദേ​ഹം പ​രി​യാ​രം മെ​ഡി​ക്ക​ൽ കോ​ള​ജി​ലേ​ക്ക് മാ​റ്റി. പോ​സ്റ്റു​മോ​ർ​ട്ട​ത്തി​നുശേ​ഷം ഇ​ന്ന് നാ​ലി​ന് പ്രാ​പ്പോ​യി​ൽ ശ്രീവ​യ​നാ​ട്ട് കു​ല​വ​ൻ ക്ഷേ​ത്ര ശ്മ​ശാ​ന​ത്തി​ൽ സം​സ്ക​രി​ക്കും.

പു​റ​ത്തും കൈ​ക്കും പ​രി​ക്കേ​റ്റ സു​നി​ത പ​യ്യ​ന്നൂ​ർ സ​ഹ​ക​ര​ണ ആ​ശു​പ​ത്രി​യി​ൽ ചി​കി​ത്സ​യി​ലാ​ണ്. കു​ടും​ബ പ്ര​ശ്ന​ങ്ങ​ളെ ചൊ​ല്ലി​യു​ള്ള ത​ർ​ക്ക​മാ​ണ് ആ​ക്ര​മ​ണ​ത്തി​ൽ ക​ലാ​ശി​ച്ച​തെ​ന്നു പ​റ​യു​ന്നു. ശ്രീ​രാ​ജ്, അ​ർ​ജു​ൻ എ​ന്നി​വ​ർ മ​ക്ക​ളാ​ണ്. സം​ഭ​വ​സ​മ​യ​ത്ത് ശ്രീ​ധ​ര​നും ഭാ​ര്യ സു​നി​ത​യും മാ​ത്ര​മെ വീ​ട്ടി​ലു​ണ്ടാ​യി​രു​ന്നു​ള്ളൂ.