കാലിലെ ചുട്ടുനീറ്റൽ; പ്രമേഹബാധിതർ പ്രത്യേകം ശ്രദ്ധിക്കണം

അ​ന്ത​രീ​ക്ഷ​വു​മാ​യി ബ​ന്ധ​പ്പെ​ട്ടുള്ള ജീവിതം എങ്ങനെയാണെന്നത്് കാ​ലു​ക​ളി​ൽ ചു​ട്ടു​നീ​റ്റ​ൽ ഉ​ണ്ടാ​കു​ന്ന​തി​ൽ ശ്ര​ദ്ധി​ക്കേ​ണ്ട ഒ​രു ഘ​ട​ക​മാ​ണ്. ഒ​രു​പാ​ടുനേ​രം തു​ട​ർ​ച്ച​യാ​യി വെ​യി​ൽ കൊ​ള്ളു​ന്ന​ത് പ്ര​ശ്ന​മാ​ണ്. അ​തു​കൊ​ണ്ട് കൂ​ടു​ത​ൽ സ​മ​യം വെ​യി​ല​ത്ത് ചെ​ല​വ​ഴി​ക്കു​ന്ന​വ​രും കൂ​ടു​ത​ൽ സ​മ​യം ത​ണു​പ്പു​ള്ള അ​ന്ത​രീ​ക്ഷ​ത്തി​ൽ ക​ഴി​യു​ന്ന​വ​രും ഡോ​ക്ട​ർ നി​ർ​ദ്ദേ​ശി​ക്കു​ന്ന രീ​തി​യി​ലു​ള്ള വ​സ്ത്ര​ങ്ങ​ൾ ധ​രി​ക്കേ​ണ്ട​താ​ണ്.

അമിത മദ്യപാനം
നീ​ണ്ട കാ​ലം അ​നു​ഭ​വി​ക്കു​ന്ന മാ​ന​സി​ക സം​ഘ​ർ​ഷം, അ​മി​ത മ​ദ്യ​പാ​നം, പോ​ഷ​കാ​ഹാ​ര​ക്കു​റ​വ്, ഈ​യം, ര​സം, ആ​ർ​സെ​നി​ക് എ​ന്നി​വ കൈ​കാ​ര്യം ചെ​യ്യു​ന്ന​ത് എ​ന്നി​വ​യും കാ​ലി​ൽ ചു​ട്ടു​നീ​റ്റ​ൽ അ​നു​ഭ​വ​പ്പെ​ടു​ന്ന​തി​ന് വ്യ​ക്ത​മാ​യ കാ​ര​ണ​ങ്ങ​ളാ​ണെ​ന്നു പ​റ​യാം.

പ്രമേഹബാധിതരിൽ
പ്ര​മേ​ഹം ബാ​ധി​ക്കു​ന്ന​വ​രി​ൽ ര​ക്ത​ക്കു​ഴ​ലു​ക​ളി​ൽ ഉ​ണ്ടാ​കു​ന്ന പ്ര​ശ്ന​ങ്ങ​ളു​ടെ ഭാ​ഗ​മാ​യി കാ​ലു​കളിൽ ചു​ട്ടു​നീ​റ്റ​ൽ അ​നു​ഭ​വ​പ്പെ​ടു​ന്ന​താ​ണ്.
പ്ര​മേ​ഹ ബാ​ധി​ത​രി​ൽ കാ​ലു​ക​ളി​ൽ ഉ​ണ്ടാ​കു​ന്ന ചു​ട്ടു​നീ​റ്റ​ൽ ശ​രി​യാ​യ രീ​തി​യി​ൽ ചി​കി​ത്സ ചെ​യ്യാ​തി​രി​ക്കു​ന്ന​വ​രി​ൽ സ​ങ്കീ​ർ​ണ​ത​ക​ൾ ഉ​ണ്ടാ​കാ​നു​ള്ള സാ​ധ്യ​ത കൂ​ടു​ത​ലാ​യി​രി​ക്കും.അ​തി​ന്‍റെ ഫ​ല​മാ​യി​ട്ടാ​യി​രി​ക്കും പ​ല​രു​ടെ​യും കാ​ലു​ക​ളി​ൽ വ്ര​ണ​ങ്ങ​ൾ ഉ​ണ്ടാ​കു​ന്ന​തും ആ ​വ്ര​ണ​ങ്ങ​ൾ ഉ​ണ​ങ്ങാ​തി​രി​ക്കു​ന്ന​തും ചി​ല​പ്പോ​ൾ ചി​ല​രി​ൽ ആ ​ഭാ​ഗം മു​റി​ച്ച് ക​ള​യേ​ണ്ടി വ​രു​ന്ന​തുമൊക്കെ.

നേരത്തേ ചികിത്സ
കാ​ലു​ക​ളി​ൽ ചു​ട്ടു​നീ​റ്റ​ൽ അ​നു​ഭ​വ​പ്പെ​ടു​ന്ന​വ​ർ ക​ഴി​യു​ന്ന​ത്ര നേ​ര​ത്തേ ശ​രി​യാ​യ രീ​തി​യി​ലുള്ള ചി​കി​ത്സ ആ​രം​ഭി​ക്കു​ക​യാ​ണു ചെ​യ്യേ​ണ്ട​ത്. ചു​ട്ടു​നീ​റ്റ​ൽ എ​ന്ന അ​സ്വ​സ്ഥ​ത​യി​ൽ നി​ന്നു മോ​ച​നം നേ​ടു​ന്ന​തി​നും ഭാ​വി​യി​ൽ സ​ങ്കീ​ർ​ണ​ത​ക​ൾ ഉ​ണ്ടാ​കാ​തി​രി​ക്കു​വാ​നും അ​ത് സ​ഹാ​യി​ക്കും.

* പ​ച്ച​ക്ക​റി​ക​ൾ, പ​ഴ​ങ്ങ​ൾ, ധാ​ന്യ​ങ്ങ​ൾ എ​ന്നി​വ കൂ​ടു​ത​ലാ​യി ആ​ഹാ​ര​ത്തി​ൽ ഉ​ൾ​പ്പെ​ടു​ത്തു​ന്ന​ത് ന​ല്ല​താ​ണ്.

* കൂ​ടു​ത​ൽ സ​മ​യം നി​ന്ന് ജോ​ലി ചെ​യ്യു​ന്ന​വ​ർ ഇ​ട​യ്ക്ക് കു​റ​ച്ച് ന​ട​ക്കു​ക​യോ കാ​ലു​ക​ൾ​ക്ക് മാ​റി മാ​റി വി​ശ്ര​മം കൊ​ടു​ക്കു​ക​യോ വേ​ണം.

* ഇ​ഞ്ചി തൊ​ലി ക​ള​ഞ്ഞ് ക​ഴു​കി ച​ത​ച്ചി​ട്ട് തി​ള​പ്പി​ച്ച വെ​ള്ളം ചെ​റു​ചൂ​ടോ​ടെ കു​ടി​വെ​ള്ള​മാ​യി ഉ​പ​യോ​ഗി​ച്ചു നോ​ക്കാ​വു​ന്ന​താ​ണ്.

* വെ​ളു​ത്തു​ള്ളി പ​ത്തോ ഇ​രു​പ​തോ അ​ല്ലി തൊ​ലി ക​ള​ഞ്ഞ് വേ​വി​ച്ച് ഏ​തെ​ങ്കി​ലും ഒ​രു നേ​ര​ത്തെ ആ​ഹാ​ര​ത്തോ​ടൊ​പ്പം ക​ഴി​ച്ചു നോ​ക്കാ​വു​ന്ന​താ​ണ്.

* ഒ​രു ക​പ്പ് ചൂ​ടു​വെ​ള്ള​ത്തി​ൽ മൂ​ന്നോ നാ​ലോ തു​ള്ളി യൂ​ക്കാ​ലി​പ്റ്റ​സ് തൈ​ലം ചേ​ർ​ത്ത് അ​തി​ൽ തോ​ർ​ത്ത് മു​ക്കി അ​ൽ​പം പി​ഴി​ഞ്ഞ് ശ​രീ​രം മു​ഴു​വ​ൻ മൃ​ദു​വാ​യി ത​ട​വു​ക. പി​ന്നെ ഒ​രു ഉ​ണ​ങ്ങി​യ തോ​ർ​ത്ത് കൊ​ണ്ട് ശ​രീ​രം മു​ഴു​വ​നും ന​ന​വ് തു​ട​ച്ചുക​ള​ഞ്ഞശേഷം
അ​ര ഗ്ളാ​സ് ചൂ​ടു​വെ​ള്ളം കു​ടി​ക്കു​ക.

* മ​രു​ന്നു​ക​ൾ ക​ഴി​ക്കു​ന്ന​ത് ഡോ​ക്ട​റെ നേ​രി​ട്ടുക​ണ്ട് അ​ദ്ദേ​ഹം നി​ർ​ദേശി​ക്കു​ന്ന രീ​തി​യി​ൽ മാ​ത്രം ആ​യി​രി​ക്ക​ണം.

വി​വ​ര​ങ്ങ​ൾ​ക്കു ക​ട​പ്പാ​ട്:
ഡോ. എം. പി. മണി
തൂലിക, കൂനത്തറ, ഷൊറണൂർ
ഫോൺ – 9846073393