കൊച്ചി: മഹീന്ദ്ര സൂപ്പർ ലീഗ് കേരളയിൽ ഫോഴ്സ കൊച്ചിക്ക് ജയം. ഇന്നലെ നടന്ന മത്സരത്തിൽ തൃശൂർ മാജിക് എഫ്സിയെ 1-0നാണ് പരാജയപ്പെടുത്തിയത്. കൊച്ചിക്ക് വേണ്ടി ഡോറിയൽട്ടനാണ് (82’) ഗോൾ നേടിയത്.
പത്ത് കളികളിൽ 16 പോയിന്റ് സ്വന്തമാക്കിയ ഫോഴ്സ കൊച്ചി സെമി ഫൈനൽ ഉറപ്പിച്ച ടീമാണ്. സെമി കാണാതെ നേരത്തെ തന്നെ തൃശൂർ പുറത്തായിരുന്നു.
ലീഗിൽ ഡോറിയൽട്ടന്റെ അഞ്ചാം ഗോളാണിത്. നിലവിൽ ടോപ് സ്കോറർ സ്ഥാനത്താണ് ബ്രസീലുകാരൻ.
