ഫ്ളോറിഡ: ബ്രസീൽ സൂപ്പർ ഫുട്ബോളർ നെയ്മർ അമേരിക്കൻ മേജർ ലീഗ് സോക്കർ ക്ലബ്ബായ ഇന്‍റർ മയാമിയിലേക്ക് ചേക്കേറിയേക്കും എന്നു റിപ്പോർട്ട്.
ഫ്ളോറിഡയിൽ 26 മില്യണ്‍ ഡോളറിന്റെ (218 കോടി രൂപ) വസ്തു നെയ്മർ വാങ്ങിയതാണ് അദ്ദേഹം ഇന്‍റർ മയാമിയിലേക്കു ചേക്കേറിയേക്കും എന്ന അഭ്യൂഹം വർധിപ്പിച്ചിരിക്കുന്നത്.
ഇന്‍റർ മയാമി സൂപ്പർ താരം ലയണൽ മെസിയും നെയ്മറും ഉറ്റസുഹൃത്തുക്കളാണ്. എഫ്സി ബാഴ്സലോണ, പിഎസ്ജി ടീമുകളിൽ ഇരുവരും ഒന്നിച്ചു കളിച്ചിട്ടുമുണ്ട്. പിഎസ്ജിയിൽനിന്ന് ഇറങ്ങിയശേഷം സൗദി പ്രൊ ലീഗ് ക്ലബ്ബായ അൽ ഹിലാൽ എഫ്സിക്കുവേണ്ടിയാണ് നെയ്മർ ബൂട്ടണിയുന്നത്.
ഒരു വർഷത്തിലധികം പരിക്കിനെത്തുടർന്നു പുറത്തിരിക്കുകയായിരുന്ന നെയ്മർ കളത്തിൽ തിരിച്ചെത്തിയിട്ടുണ്ട്. 2025 ജൂണ്‍വരെയാണ് അൽ ഹിലാൽ എഫ്സിയുമായി നെയ്മറിനു കരാർ ഉള്ളത്.
