ദീപാവലി സ്പെഷ്യൽ ലഡൂ കിട്ടാത്തവരുണ്ടോ? എന്നാൽ വിഷമിക്കണ്ട. ഗൂഗിൾ പേ നിങ്ങൾക്ക് പല വെറൈറ്റി ലഡു ഇനി തരുന്നതായിരിക്കും. അതെങ്ങനെയെന്നാണോ ഓർക്കുന്നത്‍? പല ആപ്പുകളും നമുക്ക് ഓഫറുകൾ തരാറില്ലേ. അതുപോലെ ദീപാവലി ആയതിനാൽ ഗൂഗിൾപേയും നമുക്ക് ഓഫർ തന്നതാണ്.
കളർ , ഡിസ്കോ, ട്വിങ്കിൾ , ട്രെൻഡി,ഹുഡി,ദോസ്തി എന്നീ പേരുകളിലുള്ള ലഡുവാണ് ഗൂഗിൾപേ നൽകുന്ന ലഡു. മർച്ചന്‍റ് പേയ്മെന്‍റ്, മൊബൈൽ റീചാർജ് , അല്ലെങ്കിൽ മറ്റുള്ളവർക്ക് പണം അയച്ചു കൊടുത്താലോ നിങ്ങൾക്ക് ലഡു ലഭിക്കുന്നതാണ്.
ആറ് ലഡുവും ഒരുമിച്ച് ലഭിക്കുന്നവർക്ക് 50 രൂപമുതൽ 1001 രൂപവരെ ക്യാഷ്ബാക്കായി ലഭിക്കുന്നതാണ്. ഒക്ടോബർ 21 മുതൽ തുടങ്ങിയ ഓഫർ നവംബർ 7 വരെ ഉണ്ടാകും.
