കാലടി: മരോട്ടിച്ചോടിൽ മിനി ലോറിയും ബൈക്കും കൂട്ടിയിടിച്ച് ബൈക്ക് യാത്രികൻ മരിച്ചു. മലയാറ്റൂർ ഇല്ലിത്തോട് കുനത്താൻ സജിയുടെ മകൻ സോണൽ സജി (22) യാണ് മരിച്ചത്.
ഇന്നലെ രാത്രി 12 ഓടെ എംസി റോഡിൽ മരോട്ടിച്ചോട് ജംഗ്ഷനിലാണ് അപകടം. അങ്കമാലി ഭാഗത്തുനിന്നും വരികയായിരുന്ന ബൈക്കും, കാലടി ഭാഗത്തുനിന്നും വരികയായിരുന്ന മിനിലോറിയും കൂട്ടിയിടിക്കുകയായിരുന്നു.
തലക്ക് പരിക്കേറ്റ സോണൽ തൽക്ഷണം മരിച്ചു. അങ്കമാലിയിലെ ഒരു തുണിക്കടയിൽ ജോലി ചെയ്യുന്ന സോണറ്റ് ജോലി കഴിഞ്ഞ് മടങ്ങുകയായിരുന്നു. അമ്മ: ശീവ. സഹോദരങ്ങൾ: സോന, സോണറ്റ്.
