മെല്‍ബൺ: ഓസ്‌ട്രേലിയന്‍ പര്യടനത്തിനു മുമ്പായി മധ്യനിര ബാറ്ററായി കെ.എൽ. രാഹുല്‍ ഫോം കണ്ടെത്തുമെന്ന പ്രതീക്ഷ അസ്ഥാനത്ത്.
ഓസ്‌ട്രേലിയ എയ്ക്ക് എതിരായ ചതുര്‍ദിന ക്രിക്കറ്റിന്‍റെ ഒന്നാം ഇന്നിംഗ്‌സില്‍ നാലു പന്തില്‍ നാലു റണ്‍സ് മാത്രമാണ് രാഹുല്‍ എടുത്തത്. ടോസ് നേടി ബൗളിംഗ് തെരഞ്ഞെടുത്ത ഓസ്‌ട്രേലിയ എ ഇന്ത്യ എയെ 57.1 ഓവറില്‍ 161 റണ്‍സിന് എറിഞ്ഞിട്ടു.
186 പന്തില്‍ രണ്ടു സിക്‌സും ആറു ഫോറും അടക്കം 80 റണ്‍സ് നേടിയ വിക്കറ്റ് കീപ്പര്‍ ധ്രുവ് ജുറെലാണ് ഇന്ത്യ എ ഇന്നിംഗ്‌സിലെ ടോപ് സ്‌കോറർ. ഒന്നാം ഇന്നിംഗ്‌സിനു ക്രീസിലെത്തിയ ഓസ്‌ട്രേലിയ എ ആദ്യ ദിനം അവസാനിച്ചപ്പോള്‍ രണ്ടു വിക്കറ്റ് നഷ്ടത്തില്‍ 53 റണ്‍സ് നേടിയിരുന്നു.
