ന്യൂഡൽഹി: എൻസിപി നേതാവ് ബാബ സിദ്ദിഖിയെ വെടിവെച്ചുകൊന്ന കേസിലെ മുഖ്യപ്രതി ശിവകുമാറിനെ ഉത്തർപ്രദേശിലെ ബഹ്റൈച്ചിൽനിന്ന് അറസ്റ്റ് ചെയ്തു.
ബാബ സിദ്ദിഖിയെ കൊലപ്പെടുത്തിയതു മുതൽ ഒളിവിലായിരുന്ന ഇയാൾ നേപ്പാളിലേക്ക് രക്ഷപ്പെടാൻ ശ്രമിക്കുന്നതിനിടെ യുപി സ്‌പെഷൽ ടാസ്‌ക് ഫോഴ്‌സിന്‍റെയും (എസ്‌ടിഎഫ്) മുംബൈ ക്രൈംബ്രാഞ്ചിന്‍റെയും സംയുക്ത ഓപ്പറേഷനിൽ കുടുങ്ങുകയായിരുന്നു.
ഇതോടെ ബാബ സിദ്ദിഖിന്‍റെ കൊലപാതകത്തിലെ മൂന്നു പ്രതികളും പിടിയിലായി. ലോറൻസ് ബിഷ്‌ണോയി സംഘവുമായി ബന്ധമുണ്ടെന്നു ശിവകുമാർ സമ്മതിച്ചു. ഒക്‌ടോബർ 12നായിരുന്നു കൊലപാതകം.
