പൂന്തുറ: കച്ചവടത്തിനായി സൂ ക്ഷിച്ച നാല് ഗ്രാം എംഡിഎംഎയുമായി യുവാവിനെ പൂന്തുറ പോലീസ് അറസ്റ്റ് ചെയ്തു. മുട്ടത്തറ വില്ലേജില്‍ വള്ളക്കടവ് ജമാ മസ്ജിത്ത് റോഡിൽ സഭക്കത്തലി (26) യെ ആണ് പോലീസ് അറസ്റ്റ് ചെയ്തത്.
തിങ്കളാഴ്ച ഉച്ചയോടുകൂടി അമ്പലത്തറ പരവന്‍കുന്ന് ഭാഗത്തുള്ള ഷൂട്ടിംഗ്‌മുടുക്കില്‍ നിന്നുമാണ് ഇയാളെ എംഡിഎംഎയുമായി പോലീസ് പിടികൂടിയത്. നാല് ഗ്രാം എംഡിഎംഎ 11 പൊതികളാക്കിയ നിലയില്‍ കണ്ടെത്തുകയായിരുന്നു.
വിൽപ്പനയ്ക്കായാണ് പ്രതി ഇവയെത്തിച്ചതെന്ന് പോലീസിനോട് പറഞ്ഞു. പൂന്തുറ എസ്എച്ച്ഒ സാജുവിന്‍റെ നേതൃത്വത്തില്‍ എസ്ഐ മാരായ സുനില്‍, ജയപ്രകാശ് എന്നിവരുള്‍പ്പെട്ട സംഘമാണ് പ്രതിയെ ഇന്നലെ അറസ്റ്റ് ചെയ്തത്.പ്രതിയെ കോടതിയില്‍ ഹാജരാക്കി റിമാൻഡ് ചെയ്തു.
