ക​ർ​ണാ​ട​ക​യു​ടെ ശ്ര​മം ഫ​ലം കാ​ണു​ന്നു: ആ​റ് മാ​വോ​യി​സ്റ്റു​ക​ൾ കീ​ഴ​ട​ങ്ങി​യേ​ക്കും

ഇ​രി​ട്ടി: ക​ർ​ണാ​ട​ക വ​ന​ത്തി​ൽ ക​ഴി​യു​ന്ന മാ​വോ​യി​സ്റ്റു​ക​ളെ തോ​ക്ക് താ​ഴെവ​പ്പി​ച്ച് മു​ഖ്യ​ധാ​ര​യി​ലേ​ക്കെ​ത്തി​ക്കു​ക എ​ന്ന ല​ക്ഷ്യ​ത്തോ​ടെ ക​ർ​ണാ​ട സ​ർ​ക്കാ​ർ ന​ട​ത്തു​ന്ന ശ്ര​മം ഫ​ല​പ്രാ​പ്തി​യി​ലേ​ക്കെ​ന്ന് റി​പ്പോ​ർ​ട്ടു​ക​ൾ. ക​ർ​ണാ​ട​ക സ​ർ​ക്കാ​രി​ന്‍റെ പു​തി​യ കീ​ഴ​ട​ങ്ങ​ൽ ന​യ​പ്ര​കാ​രം ജ​യ​ണ്ണ ഒ​ഴി​കെ​യു​ള്ള ആ​റു പേ​ർ ചി​ക്ക​മം​ഗളൂരു ജി​ല്ലാ ഭ​ര​ണ​കൂ​ട​ത്തി​നു മു​ന്നി​ലോ ബം​ഗ​ളൂ​രു​വി​ലോ കീ​ഴ​ട​ങ്ങി​യേ​ക്കു​മെ​ന്നാ​ണു വി​വ​രം. ഇ​പ്പോ​ഴ​ത്തെ ക​മാ​ൻ​ഡ​ർ ല​ത, സു​ന്ദ​രി , വ​ന​ജാ​ക്ഷി വ​സ​ന്ത, ജീ​ഷ എ​ന്നി​വ​ര​ട​ക്കം ആ​റു പേ​രാ​ണ് കീ​ഴ​ട​ങ്ങു​ക​യെ​ന്നും സൂച​ന​യു​ണ്ട്.

സി​വി​ക് ഫോ​റം ഫോ​ർ പീ​സ് മാ​വോ​യി​സ്റ്റു​ക​ളു​ടെ കീ​ഴ​ട​ങ്ങ​ൽ സാ​ധ്യ​ത​ക​ളെക്കു​റി​ച്ച് മു​ഖ്യ​മ​ന്ത്രി​യു​മാ​യി ച​ർ​ച്ച ന​ട​ത്തി​യി​രു​ന്നു. സ​ർ​ക്കാ​രി​ൽനി​ന്ന് അ​നു​കൂ​ല സ​മീ​പ​ന​മു​ണ്ടാ​കു​മെ​ന്ന ഉ​റ​പ്പി​നെത്തു​ട​ർ​ന്ന് മാ​വോ​യി​സ്റ്റു​ക​ളോ​ടു കീ​ഴ​ട​ങ്ങാ​നും അ​വ​രെ സ​മൂ​ഹ​ത്തി​ന്‍റെ മു​ഖ്യ​ധാ​ര​യി​ലേ​ക്കു കൊ​ണ്ടു വ​രാ​നും ഇ​വ​ർ പ്രേ​രി​പ്പി​ച്ചു കൊ​ണ്ടി​രി​ക്കു​ക​യാ​യി​രു​ന്നു. മാ​വോ​യി​സ്റ്റു​ക​ൾ​ക്ക് കീ​ഴ​ട​ങ്ങ​ൽ പാ​ക്കേ​ജ് ഉ​ൾ​പ്പെ​ടെ​യു​ള്ളവ ഉ​റ​പ്പാ​ക്കു​ന്ന​തി​നു​ള്ള ച​ർ​ച്ച​ക​ളും ന​ട​ത്തി​യി​ട്ടു​ണ്ടെ​ന്നാ​ണ് റി​പ്പോ​ർ​ട്ട്.

മാ​വോ​യി​സ്റ്റ് വി​ക്രം ഗൗ​ഡ ഏ​റ്റു​മു​ട്ട​ലി​ൽ കൊ​ല്ല​പ്പെ​ട്ട​തും ആ​ന്‍റി ന​ക്സ​ൽ സേ​ന​യു​ടെ ശ​ക്ത​മാ​യ പ്ര​വ​ർ​ത്ത​ന​ങ്ങ​ളും കാ​ര​ണം മാ​വോ​യി​സ്റ്റു​ക​ൾ​ക്ക് മ​റ്റ് മേ​ഖ​ല​ക​ളി​ലേ​ക്കു ക​ട​ക്കാ​നോ മ​റ്റു സം​ഘ​ങ്ങ​ളു​മാ​യി ബ​ന്ധ​പ്പെ​ടാ​നോ ക​ഴി​യു​ന്നി​ല്ല. ഇ​തു കൂ​ടി കീ​ഴ​ട​ങ്ങ​ലി​നു പ്രേ​രി​പ്പി​ച്ച ഘ​ട​ക​മാ​യാ​ണ് വി​ല​യി​രു​ത്ത​ൽ.

നേ​ര​ത്തെ കേ​ര​ള വ​ന​മേ​ഖ​ല​യി​ലാ​യി​രു​ന്ന മാ​വോ​യി​സ്റ്റ് സം​ഘം കേ​ര​ള​ത്തി​ലെ ത​ണ്ട​ർ ബോ​ൾ​ട്ട് സം​ഘ​മു​ൾ​പ്പ​ടെ​യു​ള്ള പോ​ലീ​സി​ന്‍റെ ശ​ക്ത​മാ​യ ഇ​ട​പെ​ട​ലി​നെത്തു​ട​ർ​ന്നാ​ണ് ക​ർ​ണാ​ട​ക വ​ന​ത്തി​ലേ​ക്കു പി​ൻ​വ​ലി​ഞ്ഞ​ത്. പ്ര​ധാ​ന​മാ​യും ചി​ക്ക​മം​ഗ​ളൂ​രു, ഉ​ഡു​പ്പി, ദ​ക്ഷി​ണ ക​ന്ന​ഡ, ഷി​മോ​ഗ ജി​ല്ല​ക​ളി​ലാ​യി​രു​ന്നു ഇ​വ​രു​ടെ പ്ര​വ​ർ​ത്ത​നം. ഇ​തി​നി​ടെ​യാ​ണ് നേ​താ​വ് വി​ക്രം ഗൗ​ഡ പോ​ലീ​സു​മാ​യു​ള്ള ഏ​റ്റു​മു​ട്ട​ലി​ൽ കൊ​ല്ല​പ്പെ​ട്ട​ത്.