പ്രാ​രാ​ബ്ദ​ങ്ങ​ൾ എ​ണ്ണി​യെ​ണ്ണി​പ്പ​റ​ഞ്ഞ് മ​ന​സ് മാ​റ്റി; ഭ​ര്‍​ത്താ​വി​ന്‍റെ വൃ​ക്ക വി​റ്റു കി​ട്ടി​യ ല​ക്ഷ​ങ്ങ​ളു​മാ​യി ഭാ​ര്യ കാ​മു​ക​നൊ​പ്പം ഒ​ളി​ച്ചോ​ടി; ത​ക​രു​ന്ന ഹൃ​ദ​യ​വേ​ദ​ന​യു​മാ​യി യു​വാ​വ്

കോ​ൽ​ക്ക​ത്ത: ഭ​ർ​ത്താ​വി​ന്‍റെ വൃ​ക്ക വി​റ്റു കി​ട്ടി​യ പ​ത്തു​ല​ക്ഷം രൂ​പ കൈ​ക്ക​ലാ​ക്കി​യ​തി​നു​ശേ​ഷം യു​വ​തി കാ​മു​ക​നൊ​പ്പം ഒ​ളി​ച്ചോ​ടി. പ​ശ്ചി​മ​ബം​ഗാ​ളി​ലെ ഹൗ​റ ജി​ല്ല​യി​ൽ​പ്പെ​ട്ട സാ​ൻ​ക്രെ​യ്‌​ലിലാണ് നാടിനെ നടുക്കിയ കൊ​ടും​ച​തി  നടന്നത്.

കു​ടും​ബ​ത്തി​ലെ പ്രാ​രാ​ബ്‌​ദ​ങ്ങ​ള്‍ മാ​റാ​ൻ വൃ​ക്ക വി​ല്‍​ക്കാ​മെ​ന്ന് ഭ​ർ​ത്താ​വി​നെ ഉ​പ​ദേ​ശി​ച്ച​തു യു​വ​തി​യാ​ണ്. മ​ക​ളു​ടെ വി​ദ്യാ​ഭ്യാ​സം, വി​വാ​ഹം തു​ട​ങ്ങി​യ ആ​വ​ശ്യ​ങ്ങ​ള്‍​ക്കു​ള്ള ചെ​ല​വ് അ​തി​ലൂ​ടെ നി​ക​ത്താ​മെ​ന്നും ഭ​ർ​ത്താ​വി​നെ ബോ​ധ്യ​പ്പെ​ടു​ത്തി.

മാ​സ​ങ്ങ​ളോ​ളം നീ​ണ്ട തെ​ര​ച്ചി​ലി​നു​ശേ​ഷം ഭ​ർ​ത്താ​വി​ന്‍റെ ര​ക്ത​ഗ്രൂ​പ്പി​ന് അ​നു​യോ​ജ്യ​മാ​യ സ്വീ​ക​ർ​ത്താ​വി​നെ യു​വ​തി​ത​ന്നെ ക​ണ്ടെ​ത്തി. തു​ട​ർ​ന്ന് മൂ​ന്നു മാ​സം മു​ന്പ് ശ​സ്ത്ര​ക്രി​യ ന​ട​ത്തി വൃ​ക്ക ന​ല്‍​കി. പ്ര​തി​ഫ​ല​മാ​യി 10 ല​ക്ഷം രൂ​പ​യും ല​ഭി​ച്ചു. എ​ന്നാ​ല്‍ വൃ​ക്ക വി​റ്റു പ​ണം സ​ന്പാ​ദി​ക്കാ​ൻ ഭ​ർ​ത്താ​വി​നെ പ്രേ​രി​പ്പി​ച്ച​തി​നു പി​ന്നി​ല്‍ ഭാ​ര്യ​യു​ടെ കു​ബു​ദ്ധി​യാ​യി​രു​ന്നു.

ഫേ​സ്ബു​ക്കി​ലൂ​ടെ പ​രി​ച​യ​പ്പെ​ട്ട പ​ശ്ചി​മ​ബം​ഗാ​ളി​ലെ​ത​ന്നെ ബാ​ര​ക്പു​ർ സ്വ​ദേ​ശി​യാ​യ ര​വി​ദാ​സ് എ​ന്ന​യാ​ള്‍​ക്കൊ​പ്പം ജീ​വി​ക്കാ​ൻ പ​ണം സ​ന്പാ​ദി​ക്കു​ക​യാ​യി​രു​ന്നു യു​വ​തി​യു​ടെ ല​ക്ഷ്യം.
ശ​സ്ത്ര​ക്രി​യ​യ്ക്കു പി​ന്നാ​ലെ പ​ണം കി​ട്ടി​യ​തോ​ടെ ത​ന്ത്ര​പൂ​ർ​വം അ​തു കൈ​ക്ക​ലാ​ക്കി കാ​മു​ക​നൊ​പ്പം ഒ​ളി​ച്ചോ​ടു​ക​യാ​യി​രു​ന്നു. സം​ഭ​വ​ത്തി​ൽ ഭ​ർ​ത്താ​വ് പോ​ലീ​സി​ൽ പ​രാ​തി ന​ൽ​കി.