കൊ​ട​ക​ര കു​ഴ​ൽ​പ്പ​ണ​ക്കേ​സ്; ത​ന്‍റെ വെ​ളി​പ്പെ​ടു​ത്ത​ലു​ക​ൾ ഇ​ഡി അ​ന്വേ​ഷി​ച്ചി​ല്ല; ​ഇ​ഡി​യു​ടെ കു​റ്റ​പ​ത്രം ബി​ജെ​പി നേ​താ​ക്ക​ളെ ര​ക്ഷി​ക്കാ​നെ​ന്ന തി​രൂ​ർ സ​തീ​ഷ്

തൃ​ശൂ​ർ: കൊ​ട​ക​ര കു​ഴ​ൽ​പ്പ​ണക്കേസി​ൽ താ​ൻ പ​റ​ഞ്ഞ കാ​ര്യ​ങ്ങ​ൾ ഇഡി അ​ന്വേ​ഷി​ച്ചി​ട്ടു​ണ്ടോ എ​ന്ന് ത​നി​ക്ക​റി​യി​ല്ലെ​ന്ന് ഇതേ കേ​സി​ൽ ബി​ജെ​പി നേ​തൃ​ത്വ​ത്തി​നെ​തി​രേ പോ​ലീ​സി​ൽ മൊ​ഴി ന​ൽ​കി​യ തി​രൂ​ർ സ​തീ​ഷ്. കൊ​ട​ക​ര കു​ഴ​ൽ​പ്പ​ണക്കേസി​ൽ ഇഡി കു​റ്റ​പ​ത്രം സ​മ​ർ​പ്പി​ച്ച​തി​നെ തു​ട​ർ​ന്ന് മാ​ധ്യ​മ​ങ്ങ​ളോ​ട് പ്ര​തി​ക​രി​ക്കു​ക​യാ​യി​രു​ന്നു ബിജെപി തൃശൂർ ജില്ലാ കമ്മിറ്റി ഓഫീസിലെ മുൻ സെക്രട്ടറിയായ സ​തീ​ഷ്.

പ​ല നി​ർ​ണാ​യ​ക വെ​ളി​പ്പെ​ടു​ത്ത​ലു​ക​ളും മാ​ധ്യ​മ​ങ്ങ​ളി​ലൂ​ടെ താ​ൻ പു​റ​ത്തു​വി​ട്ടി​ട്ടും ഇഡി അ​തേ​ക്കു​റി​ച്ച് ത​ന്നോ​ട് അ​ന്വേ​ഷി​ച്ചി​ട്ടി​ല്ലെ​ന്ന് സ​തീ​ഷ് പ​റ​ഞ്ഞു. കേ​സി​ലെ പ്ര​ധാ​ന സാ​ക്ഷി​യാ​യ ത​ന്നെ സാ​ക്ഷിപ്പ​ട്ടി​ക​യി​ൽ ഉ​ൾ​പ്പെ​ടു​ത്തി​യി​ട്ടു​ണ്ടോ എ​ന്നുപോ​ലും അ​റി​യി​ല്ല. ഏ​തെ​ല്ലാം നേ​താ​ക്ക​ളെ ഇഡി ക​ണ്ടു എ​ന്ന കാ​ര്യ​ം പ​രി​ശോ​ധി​ക്ക​ണം. ഇ​നി ഏ​തെ​ങ്കി​ലും നേ​താ​ക്ക​ളെ​യോ സാ​ക്ഷി​ക​ളെ​യോ കാ​ണാ​നു​ണ്ടോ എ​ന്ന കാ​ര്യ​വും ഇഡി യോ​ട് ചോ​ദി​ക്ക​ണം സ​തീ​ഷ് പ​റ​ഞ്ഞു.

താ​ൻ മാ​ധ്യ​മ​ങ്ങ​ളോ​ട് പ​റ​ഞ്ഞ കാ​ര്യ​ങ്ങ​ൾ സ​ത്യ​മാ​യി അ​തേ​പ​ടി ഇ​പ്പോ​ഴും നി​ല​നി​ൽ​ക്കു​ന്നു എ​ന്നും സ​തീ​ഷ് ഉ​റ​പ്പി​ച്ചു പ​റ​ഞ്ഞു. ഇഡി വ​ന്നാ​ലും ഏ​ത് അ​ന്വേ​ഷ​ണ ഏ​ജ​ൻ​സി വ​ന്നാ​ലും അ​തേ കാ​ര്യ​ങ്ങ​ൾ ത​ന്നെ​യാ​ണ് ത​നി​ക്ക് പ​റ​യാ​നു​ള്ള​തെ​ന്നും സ​തീ​ഷ് വ്യ​ക്ത​മാ​ക്കി.

ബി​ജെ​പി ഓ​ഫീ​സി​ൽ ചാ​ക്ക് ക​ണ​ക്കി​ന് പ​ണം വ​ന്നു​വ​ന്ന് താ​ൻ വെ​ളി​പ്പെ​ടു​ത്തി​യി​ട്ടും അ​തേ​ക്കു​റി​ച്ച് അ​ന്വേ​ഷി​ക്കാ​ൻ പ​റ്റു​ന്നി​ല്ലെ​ങ്കി​ൽ ഇ​ഡി എ​ന്ത് അ​ന്വേ​ഷ​ണ സം​ഘ​മാ​ണെ​ന്നും സ​തീ​ഷ് ചോ​ദി​ച്ചു. പാ​ർ​ട്ടി​യു​ടെ നേ​താ​ക്ക​ന്മാ​രെ സം​ര​ക്ഷി​ക്കാ​ൻ വേ​ണ്ടി​യാ​ണ് ഇ​ഡി നി​ല​കൊ​ണ്ടി​രി​ക്കു​ന്ന​തെ​ന്നും സ​തീ​ഷ് കു​റ്റ​പ്പെ​ടു​ത്തി.

ഉ​ന്ന​യി​ക്ക​പ്പെ​ട്ട പ​ല കാ​ര്യ​ങ്ങ​ളും പ​രി​ശോ​ധി​ക്കാ​തെ ഇഡി കു​റ്റ​പ​ത്രം സ​മ​ർ​പ്പി​ച്ചു എ​ന്ന് കേ​ൾ​ക്കു​മ്പോ​ൾ അ​ന്വേ​ഷ​ണ സം​ഘ​ത്തോ​ടു​ള്ള വി​ശ്വാ​സ്യ​ത​യാ​ണ് ന​ഷ്ട​പ്പെ​ടു​ന്ന​ത്. കൊ​ട​ക​ര കു​ഴ​ൽ പ​ണ​ക്കേ​സി​ൽ താ​ൻ സ്വീ​ക​രി​ച്ചി​ട്ടു​ള്ള നി​യ​മ ന​ട​പ​ടി​ക​ൾ തു​ട​രു​ക​യാ​ണെ​ന്നും അ​തു​മാ​യി മു​ന്നോ​ട്ടു പോ​കു​മെ​ന്നും സ​തീ​ഷ് പ്ര​തി​ക​രി​ച്ചു.

അ​ല്പം വൈ​കി​യാ​ണെ​ങ്കി​ലും സ​ത്യം വെ​ളി​ച്ചം കാ​ണും എ​ന്നാ​ണ് ത​ന്‍റെ വി​ശ്വാ​സ​വും പ്ര​തീ​ക്ഷ​യും. കോ​ട​തി​യി​ൽ ന​ൽ​കി​യ ര​ഹ​സ്യ​മൊ​ഴി​യും പോ​ലീ​സ് ചോ​ദ്യം ചെ​യ്യ​ലി​ൽ ന​ൽ​കി​യ മൊ​ഴി​ക​ളും മാ​ധ്യ​മ​ങ്ങ​ളോ​ട് വെ​ളി​പ്പെ​ടു​ത്തി​യ​തും ഇഡി ​അ​ന്വേ​ഷി​ച്ച​തേ​യി​ല്ല. ഏ​തെ​ങ്കി​ലും പ്ര​ലോ​ഭ​ന​ത്തിന്‍റെ പു​റ​ത്ത​ല്ല സ​ത്യ​ങ്ങ​ൾ വി​ളി​ച്ചു പ​റ​ഞ്ഞ​ത്. സ​ത്യ​ങ്ങ​ളും യാ​ഥാ​ർ​ഥ്യങ്ങ​ളും പൊ​തു​സ​മൂ​ഹ​വും സാ​ധാ​ര​ണ പാ​ർ​ട്ടി പ്ര​വ​ർ​ത്ത​ക​രും അ​റി​യ​ണ​മെ​ന്നു​ള്ള​തു​കൊ​ണ്ടാ​ണ്.

ആ​റു ചാ​ക്കു​ക​ളി​ൽ ഒ​മ്പ​ത് കോ​ടി ക​ള്ള​പ്പ​ണം കൊ​ണ്ടു​വ​ന്ന​ത് ചെ​റി​യ കാ​ര്യ​മ​ല്ല. ക​ള്ള​പ്പ​ണ​ക്കാ​രെ തു​റു​ങ്കി​ല​ട​ക്കും എ​ന്ന് പ​റ​ഞ്ഞു കൊ​ണ്ടി​രി​ക്കു​ന്ന പ്ര​ധാ​ന​മ​ന്ത്രി​യു​ടെ പാ​ർ​ട്ടി​യു​ടെ ജി​ല്ലാ ഓ​ഫീ​സി​ലാ​ണ് ക​ള്ള​പ്പ​ണം എ​ത്തി​യ​ത്. ഇ​തി​ന്‍റെ സ​ത്യാ​വ​സ്ഥ തെ​ളി​യി​ക്കാ​ൻ ഏ​ത​റ്റം വ​രെ​യും പോ​കു​മെ​ന്നും സ​തീ​ഷ് പ​റ​ഞ്ഞു.