മും​ബൈ ഭീ​ക​രാ​ക്ര​മ​ണ​ക്കേ​സ്: ത​ഹാ​വൂ​ർ റാ​ണ ഇ​നി തി​ഹാ​ർ ജ​യി​ലി​ൽ

മും​ബൈ: മും​ബൈ ഭീ​ക​രാ​ക്ര​മ​ണ കേ​സി​ലെ സൂ​ത്ര​ധാ​ര​ൻ പാ​ക്കി​സ്ഥാ​ൻ വം​ശ​ജ​നാ​യ ക​നേ​ഡി​യ​ൻ വ്യ​വ​സാ​യി ത​ഹാ​വൂ​ർ റാ​ണ​യെ ഉ​ച്ച​യ്ക്ക് അ​മേ​രി​ക്ക​യി​ൽ​നി​ന്ന് ഇ​ന്ത്യ​യി​ലെ​ത്തി​ച്ചു. അ​മേ​രി​ക്ക ഇ​ന്ത്യ​ക്കു കൈ​മാ​റി​യ റാ​ണ​യെ കൊ​ണ്ടു​വ​രാ​നാ​യി അ​യ​ച്ച വ്യോ​മ​സേ​ന​യു​ടെ പ്ര​ത്യേ​ക വി​മാ​നം ഉ​ച്ച​യോ​ടെ ഡ​ൽ​ഹി പാ​ലം വ്യോ​മ​ത്താ​വ​ള​ത്തി​ൽ എ​ത്തി.

റാ​ണ​യെ തി​ഹാ​ർ ജ​യി​ലി​ൽ പാ​ർ​പ്പി​ക്കാ​ൻ സൗ​ക​ര്യം ഒ​രു​ക്കാ​ൻ കേ​ന്ദ്രം നി​ർ​ദേ​ശം ന​ൽ​കി​യി​ട്ടു​ണ്ട്. ഭീ​ക​ര​ബ​ന്ധ​ക്കേ​സി​ൽ 2009 ൽ ​ഷി​ക്കാ​ഗോ​യി​ൽ അ​റ​സ്റ്റി​ലാ​യ റാ​ണ, യു​എ​സി​ലെ ലോ​സാ​ഞ്ച​ല​സ് ജ​യി​ലി​ലാ​യി​രു​ന്നു. റാ​ണ​യെ ഡ​ൽ​ഹി​യി​ൽ എ​ത്തി​ക്കു​ന്ന​ത് ക​ണ​ക്കി​ലെ​ടു​ത്ത് ക​ന​ത്ത സു​ര​ക്ഷ​യാ​ണ് ഒ​രു​ക്കി​യി​രുന്നത്.

ഭീ​ക​രാ​ക്ര​മ​ണ കേ​സു​മാ​യി ബ​ന്ധ​പ്പെ​ട്ട തു​ട​ർ​ന​ട​പ​ടി​ക​ൾ ഡ​ൽ​ഹി​യി​ലേ​ക്ക് മാ​റ്റു​മെ​ന്നാ​ണ് കേ​ന്ദ്ര​സ​ർ​ക്കാ​ർ വൃ​ത്ത​ങ്ങ​ൾ ന​ൽ​കു​ന്ന വി​വ​രം. ഇ​തി​ന്‍റെ ഭാ​ഗ​മാ​യി റാ​ണ​യെ ഡ​ൽ​ഹി പ​ട്യാ​ല ഹൗ​സ് കോ​ട​തി​യി​ൽ ഓ​ൺ​ലൈ​നാ​യി ഹാ​ജ​രാ​ക്കും.

പാ​ക്ക് ഭീ​ക​ര​സം​ഘ​ട​ന​യാ​യ ല​ഷ്ക​റെ ത​യി​ബ​യു​മാ​യും പാ​ക്ക് ചാ​ര​സം​ഘ​ട​ന ഐ​എ​സ്ഐ​യു​മാ​യും ബ​ന്ധ​മു​ണ്ടാ​യി​രു​ന്ന റാ​ണ, മും​ബൈ ഭീ​ക​രാ​ക്ര​മ​ണ​ക്കേ​സി​ലെ മു​ഖ്യ​പ്ര​തി​യും സൂ​ത്ര​ധാ​ര​നു​മാ​യ ഡേ​വി​ഡ് കോ​ൾ​മാ​ൻ ഹെ​ഡ‌്‌​ലി​യു​ടെ അ​ടു​ത്ത അ​നു​യാ​യി​യാ​ണ്. റാ​ണ​യെ തി​രി​കെ എ​ത്തി​ക്കു​ന്ന​ത് മോ​ദി സ​ർ​ക്കാ​രി​ന്‍റെ ന​യ​ത​ന്ത്ര വി​ജ​യ​മെ​ന്നു കേ​ന്ദ്ര ആ​ഭ്യ​ന്ത​ര​മ​ന്ത്രി അ​മി​ത്ഷാ വ്യ​ക്ത​മാ​ക്കി. സ്ഫോ​ട​ന​ങ്ങ​ൾ ന​ട​ന്ന കാ​ല​ത്തെ സ​ർ​ക്കാ​രു​ക​ൾ​ക്ക് റാ​ണ​യെ തൊ​ടാ​നാ​യി​ല്ലെ​ന്ന് അ​മി​ത്ഷാ വി​മ​ർ​ശി​ച്ചു.