പുലിമുരുകനെതിരേ കസബയുടെ നിര്‍മാതാവ് ജോബി ജോര്‍ജ് ഫേസ്ബുക്കിലിട്ട പോസ്റ്റിന് തിരിച്ചടിയുമായി ഗോപീസുന്ദര്‍ രംഗത്ത്. ഫേസ്ബുക്കിലൂടെ തന്നെയാണ് പുലിമുരുകന്റെ സംഗീതസംവിധായകനായ ഗോപീസുന്ദറിന്റെ ചുട്ടമറുപടി. പട്ടികള്‍ കുരയ്ക്കട്ടെ പുലികള്‍ ശ്രദ്ധിക്കാറില്ല, ഹാപ്പി ദീപാലി എന്നാിരുന്നു ഗോപിയുടെ പോസ്റ്റ്. മിനിറ്റുകള്‍ക്കകം നൂറുകണക്കിനുപേര്‍ പോസ്റ്റ് ഷെയര്‍ ചെയ്യുകയും ചെയ്തു.
പുലിമുരുകന്‍ റിക്കാര്‍ഡുകള്‍ തീര്‍ത്ത് മുന്നേറുന്നതിനിടെ ഒക്ടോബര്‍ 13ന് ജോബി ഷെയര്‍ ചെയ്ത ഒരു ഫേസ്ബുക്ക് പോസ്റ്റാണ് പുതിയ വിവാദങ്ങള്‍ക്കു കാരണം. മമ്മൂട്ടി നായകനായി നിതിന്‍ രഞ്ജി പണിക്കര്‍ സംവിധാനം ചെയ്ത കസബയുടെ നിര്‍മാതാവാണ് ജോബി. ജോയ് ആന്‍ഡ് ദി ബോയ്, ആന്‍മരിയ കലിപ്പിലാണ് തുടങ്ങിയ ചിത്രങ്ങളും നിര്‍മിച്ചിരിക്കുന്നത് ജോബിയാണ്.
ജോബി ഷെയര്‍ ചെയ്ത പോസ്റ്റ് ഇങ്ങനെ പുള്ളിയോട് മുരുഗനെ പറ്റി നാലു വരി പാട്ട് ചിട്ടപ്പെടുത്താന്‍ പറഞ്ഞു….അങ്ങേരു പാവം പഴനി മല മുരുഗനാന്ന് തെറ്റിദ്ധരിച്ചു….അത് തെറ്റാ..???? അല്ലാ…അത് തെറ്റാാണൊന്ന് ???? കുറെ തള്ളും അതിലേറെ കോപ്പി അടിയും ച്ചേര്‍ന്നാല്‍ ഒരു ലാല്‍ മൂവി ആയി… ഇതോടെയാണ് മോഹന്‍ലാല്‍ ഫാന്‍സ് ജോബിക്കെതിരേ തിരിഞ്ഞത്.ഇതോടെ കസബ പൊട്ടിയതിന്റെ സങ്കടം തീര്‍ക്കാനുള്ള നിര്‍മാതാവിന്റെ സൈക്കോളജില്‍ മൂവാണിതെന്ന തരത്തിലുള്ള കമന്റുകള്‍ ഒഴുകിയെത്തി. ഇപ്പോള്‍ ഗോപീസുന്ദര്‍ പ്രതികരണവുമായി മുന്നോട്ടുവന്നതോടെ ഫാന്‍സുകാരും സംഭവം ഏറ്റുപിടിച്ചിരിക്കുകയാണ്. ഇരുകൂട്ടരും പോര്‍വിളിയുമായി മുന്നോട്ടുപോകുകയാണ്.
