തൃപ്രയാര്‍: നിലനില്പ്‌പോലും അപകടത്തിലായിട്ടും നോട്ടു പിന്‍വലിക്കല്‍ പ്രഖ്യാപിച്ച ഇഛാശക്തിയുള്ള പ്രധാനമന്ത്രി നരേന്ദ്രമോദിയെ എല്ലാവരും പിന്തുണയ്ക്കണമെന്ന് സിനിമാ നടന്‍ ദേവന്‍. തൃപ്രയാര്‍ ശ്രീരാമ ക്ഷേത്രത്തിലെ സംഗീതോത്സവ വേദിയില്‍ നല്‍കിയ സ്വീകരണത്തിന് മറുപടി പറയുകയായിരുന്നു ദേവന്‍.
നമ്മുടെ സൈനികര്‍ അതിര്‍ത്തിയില്‍ ദുരിതമനുഭവിക്കുകയാണ്. അവരെ സഹായിക്കണം. സാമ്പത്തിക ബുദ്ധിമുട്ട് ക്ഷമയോടെ ഏറ്റുവാങ്ങണം. പ്രധാനമന്ത്രിക്ക് പിന്തുണ നല്‍കണമെന്നും ദേവന്‍ ആവശ്യപ്പെട്ടു. ക്ഷേത്രത്തി ലെത്തിയ ദേവന്‍ സൈനികര്‍ക്കു വേണ്ടി പ്രത്യേകം പ്രാര്‍ഥിച്ചു. മേജര്‍ രവിയുടെ പുതിയ മോഹന്‍ലാല്‍ ചിത്രത്തിന്റെ ഷൂട്ടിങ്ങില്‍ നിന്നാണ് ദേവന്‍ തൃപ്രയാല്‍ എത്തിയത്.
