മെലഡി വഴിയുന്ന പൂമരപ്പാട്ട് മലയാളക്കരയാകെ പാടിത്തകര്‍ക്കുകയാണ്. ഇറങ്ങും മുമ്പേ പാട്ടും ട്രോളുകളും കൊണ്ട് ശ്രദ്ധേയമായിക്കഴിഞ്ഞു കാളിദാസിന്റെ പൂമരം. ഇതിനിടെയാണ് നമ്മുടെ പൂമരപ്പാട്ടുംപാടി ഈ ഫിലിപ്പിനോ യുവതിയുടെ വരവ്. ചിരിച്ചു കൊണ്ട് നല്ല ഉഷാറായി പൂമരംപാട്ട് പാടുന്ന ഫിലിപ്പിനോ യുവതിയുടെ വീഡിയോ സോഷ്യല്‍ മീഡിയയില്‍ വൈറലായിക്കഴിഞ്ഞു.
അല്ല, ഇതിപ്പോ ആരാ ഈ അന്യനാട്ടുകാരി എന്നു ചോദിച്ചാല്‍ ..അറിയില്ല.. അജ്ഞാത യുവതി തനിക്കാവുംവിധത്തില്‍ അല്പസ്വല്‍പം സംഗതികളൊക്കെ ഇട്ടാണ് പൂമരം പാടിയിരിക്കുന്നതെന്ന് പറയാതിരിക്കാന്‍വയ്യ. കേട്ടു നോക്ക്.
