മുംബൈ: ഇന്ത്യന്‍ ക്യാപ്റ്റന്‍ വിരാട് കോഹ്ലി ടെസ്റ്റില്‍ മറ്റൊരു നാഴികക്കല്ലു കൂടി പിന്നിട്ടു. ടെസ്റ്റില്‍ 4,000 റണ്‍സ് എന്ന നേട്ടമാണ് മുംബൈയില്‍ കോഹ്ലി ഇന്ന് സ്വന്തമാക്കിയത്. നാലാം ടെസ്റ്റിന്റെ ഒന്നാം ഇന്നിംഗ്‌സില്‍ വ്യക്തിഗത സ്‌കോര്‍ 41–ല്‍ എത്തിയപ്പോഴായിരുന്നു ക്യാപ്റ്റന്റെ നേട്ടം.
52–ാം മത്സരത്തിലാണ് കോഹ്ലി 4,000 ക്ലബില്‍ കടന്നത്. ഒടുവില്‍ റിപ്പോര്‍ട്ട് കിട്ടുമ്പോള്‍ ടെസ്റ്റിലെ 15–ാം സെഞ്ചുറിയും പിന്നിട്ട് കോഹ്ലി ക്രീസിലുണ്ട്. 15 ബൗണ്ടറികളുടെ സഹായത്തോടെ ഇതുവരെ കോഹ്ലി 129 റണ്‍സ് നേടിയിട്ടുണ്ട്. 411/7 എന്ന നിലയില്‍ ബാറ്റിംഗ് തുടരുന്ന ഇന്ത്യ ഒന്നാം ഇന്നിംഗ്‌സ് ലീഡ് നേടുകയും ചെയ്തു. എട്ട് റണ്‍സോടെ ജയന്ത് യാദവാണ് നായകന് കൂട്ടായി ക്രീസില്‍.
