തിരുവനന്തപുരം: കേരള രാജ്യാന്തര ചലച്ചിത്ര മേളയ്ക്കിടെ കൈരളി തീയറ്ററില്‍ കാഴ്ചക്കാരുടെ പ്രതിഷേധം. ‘ക്ലാഷ്’ എന്ന ഈജിപ്ത്യന്‍ സിനിമയുടെ പ്രദര്‍ശനത്തിന് തൊട്ടുമുന്‍പാണ് പ്രതിഷേധക്കാര്‍ തീയറ്ററിലെ സ്ക്രീനിന് മുന്നില്‍ കയറി നിന്ന് മുദ്രാവാക്യം മുഴക്കിയത്. അനധികൃതമായി റിസര്‍വേഷന്‍ പാസുകള്‍ അനുവദിച്ച് ഡെലിഗേറ്റുകള്‍ക്ക് സിനിമ കാണുന്നതിനുള്ള അവസരം നിഷേധിച്ചുവെന്ന് ആരോപിച്ചായിരുന്നു ഒരു വിഭാഗത്തിന്റെ പ്രതിഷേധം.
പ്രതിഷേധം വിവരം അറിഞ്ഞ് സ്ഥലത്തെത്തിയ ചലച്ചിത്ര അക്കാഡമി ചെയര്‍മാന്‍ കമല്‍ ചിത്രം വീണ്ടും പ്രദര്‍ശിപ്പിക്കാമെന്ന് അറിയിച്ചെങ്കിലും പ്രതിഷേധക്കാര്‍ പിന്മാറാന്‍ തയാറായില്ല.
