കാഴ്ചയുടെ വിസ്മയവും സിനിമയുടെ മുഴുവന്‍ ഗര്‍വുമായി സൂര്യയുടെ കിടിലന്‍ സിനിമ വരുന്നു. സിങ്കത്തിന്റെ മൂന്നാംഭാഗം. തെന്നിന്ത്യന്‍ പ്രേക്ഷകരുടെ അഭിമാനമായ സൂര്യയുടെ പോലീസ് ഓഫീസര്‍ ദൂരൈ സിങ്കം അല്‍ഭുതങ്ങളുടെ മൂന്നാം മുറ തന്നെ സൃഷ്ടിച്ചുകൊണ്ട് ശത്രുവിനു നേരേ സ്വര്‍ണച്ചിറകുകള്‍ വിരിച്ചു പറക്കുന്നു. ഡിസിപി ദൂരൈ സിങ്കം എന്ന കഥാപാത്രത്തെയാണ് സിങ്കം-3 യില്‍ സൂര്യ ഇത്തവണ അവതരിപ്പിക്കുന്നത്. ഹരി തിരക്കഥ എഴുതി സംവിധാനം ചെയ്യുന്നു. ഈ ചിത്രം കേരളത്തില്‍ മാസ്തി ആന്റ് സോപാനം റിലീസ് പ്രദര്‍ശനത്തിന് എത്തിക്കുന്നു.ഭയാനകമായ ആക്ഷന്‍ ത്രില്ലര്‍ ആയ സിങ്കം-3 യില്‍ ദൂരൈ സിങ്കം ഇന്റര്‍ നാഷനല്‍ ഇന്‍വെസ്റ്റിഗേഷന്‍ ഓഫീസറാണ്.
സൂര്യയുടെ പ്രകമ്പനം കൊള്ളിക്കുന്ന പോലീസ് ഓഫീസര്‍ക്ക് ശക്തി പകരാന്‍ അനുഷ്കയും, ശ്രുതി ഹാസനും ഒപ്പത്തിനൊപ്പം കൂടെയുണ്ട്. സൂര്യ, അനുഷ്ക്ക, ശ്രുതി ഹാസന്‍, രാധിക ശരത്കുമാര്‍, കൃഷ്, ബോഡിബില്‍ഡര്‍ മിസ്റ്റര്‍ വേള്‍ഡ് അനുപ്, നാസര്‍, രാധിക രവി, വിജയകുമാര്‍, യുവറാണി, സുമിത്ര, ജാനകി സതീഷ്, ശരത് സക്‌സേ, നിധിന്‍ സത്യ, സൂരി, റോബോശങ്കര്‍, ഇമാന്‍ അണ്ണാച്ചി തുടങ്ങിയവര്‍ കഥാപാത്രങ്ങളാകുന്നു. സംഗീതം – ഹാരിസ് ജയരാജ്, ഛായാഗ്രഹണം – പ്രിയന്‍, എഡിറ്റിംഗ് – വിഡി. വിജയന്‍, ടി.എസ്. ജയ്, നിര്‍മ്മാണം-ജ്ഞാന വേല്‍ രാജ, ജാവേദ് അലി, പ്രിയ, ശ്വേത മോഹന്‍, സുബ്രഹ്മണ്യം, എം.സി. വിക്കി തുടങ്ങിയവരാണ് ഗാകയര്‍.
