ശബരിമല: ശബരിമല അപകടത്തില്‍ ഐജി ശ്രീജിത്തിനോട് അടിയന്തിരമായി റിപ്പോര്‍ട്ട് നല്‍കാന്‍ ഡിജിപി ലോക്‌നാഥ് ബെഹ്‌റയുടെ നിര്‍ദേശം. സിസിടിവി ദൃശ്യങ്ങള്‍ അടക്കം ഹാജരാക്കാനാണ് നിര്‍ദേശം. ശബരിമലയില്‍ തിക്കിലും തിരക്കിലുംപെട്ട് നിരവധി പേര്‍ക്ക് പരിക്കേല്‍ക്കുവാന്‍ ഇടയാക്കിയ സംഭവത്തില്‍ സുരക്ഷ വീഴ്ച്ചയുണ്ടായതായി സ്‌പെഷ്യല്‍ ബ്രാഞ്ച് റിപ്പോര്‍ട്ടില്‍ പറഞ്ഞിരുന്നു.
മാളികപ്പുറത്തിനു സമീപം തങ്കയങ്കി ഘോഷയാത്ര സന്നിധാനത്ത് എത്തിച്ചേരുന്ന സമയത്താണ് അപകടം സംഭവിച്ചത്. തിക്കിലും തിരക്കിലുംപ്പെട്ട് 35 പേര്‍ക്കാണ് പരിക്കേറ്റത്. ഇവരില്‍ നാലു പേരുടെ നില ഗുരുതരമാണെന്നാണ് റിപ്പോര്‍ട്ട്.
